Shymkent qalasy  Ádilet departamentiniń sot oryndaýshylary Shymkent qalasy Ekonomıkalyq tergep-tekserý departamenti qyzmetkerlerimen birlesip  «Sınáá gora», «Qyzyljar», «Aıdabýlskaıa» jáne t.b. saýda belgileriniń zańsyz ónimderin joıdy.  Eńbekshi aýdandyq sotynyń atqarýshylyq paraǵy negizinde satylymǵa daıyndalǵan 8 070 dana alkogól ónimderi joıyldy. 

Shymkent qalasy  Ádilet departamentiniń sot oryndaýshylary Shymkent qalasy Ekonomıkalyq tergep-tekserý departamenti qyzmetkerlerimen birlesip  «Sınáá gora», «Qyzyljar», «Aıdabýlskaıa» jáne t.b. saýda belgileriniń zańsyz ónimderin joıdy.  Eńbekshi aýdandyq sotynyń atqarýshylyq paraǵy negizinde satylymǵa daıyndalǵan 8 070 dana alkogól ónimderi joıyldy. 

Aıta keteıik, tekserý sharalary kezinde qala turǵyny G.T qaladaǵy ǵımarattardyń birinen seh jaldap, onda ınternet jelisi arqyly 1500 000 teńgege satyp alǵan etıl spırtin, araq jabatyn quraldy, araq bótelkeleriniń qaqpaqtaryn, etıketkalaryn, qoraptary men aksızdik taýarlarǵa japsyrylatyn esepke alý-baqylaý markalaryn paıdalanyp zańsyz ónimder jasaýmen aınalysqan. Sol ónimder men markalardy paıdalanyp, etıketkalardy alkagoldik ónimderge jabystyrý arqyly satpaq bolǵan. Sonymen qatar jumysqa adamdardy, júk kóligin jaldaǵany anyqtalǵan. 

Shymkent qalasy Ekonomıkalyq tergep-tekserý departamenti onyń zańsyz is-áreketterin áshkerelep, tergep-tekserý sharalaryn júrgizgen. Basty sot talqylaýynda sottalýshy kinásin tolyq moıyndaǵan. Eńbekshi aýdandyq sotynyń úkimimen sottalýshy QK 233-babynyń 2 bóliginde kózdelgen quqyq buzýshylyqty jasaǵany úshin kináli dep tanylyp, oǵan 1 458 500 (bir mln tórt júz elý segiz myń bes júz) teńge aıyppul túrindegi jaza taǵaıyndaldy. Atalǵan zańsyz ónimder Shymkent qalasy Ál-Farabı aýdany Sáýle móltekaýdanynda ornalasqan «Lead» JSHS-de ýaqytsha saqtaýda turǵan jerinen sanaý jumystary júrgizilip, qoqys polıgonyna jetkizilip, arnaıy tehnıka kómegimen syndyrylyp, topyraqpen kómý jolymen tolyq joıyldy.