Óńirlerde ınfeksıalyq tósek-oryndardy qysqartý jumysy júrgizilip jatyr. Bul týraly Úkimet otyrysynda QR Densaýlyq saqtaý mınıstri Alekseı Soı málimdedi.

«25 tamyzdan beri Almaty, Nur-Sultan, Shymkent qalalarynda, Atyraý, Qaraǵandy, Túrkistan, Mańǵystaý oblystarynda koronavırýs ınfeksıasyn juqtyrǵan naýqastardy emdeýge arnalǵan ınfeksıalyq bólimshe retinde ashylǵan 57 nysan jabyldy. Jalpy tósek-oryn qory 12 211 tósek-orynǵa qysqardy», - dedi Alekseı Soı.

Máselen, Shymkent qalasynda 2 397 ınfeksıalyq tósek oryn jabylyp, 5 496 tósek-oryn rezervke qoıyldy. Qalada 22 tamyz-13 qyrkúıek aralyǵynda ınfeksıa juqtyrý deregi tómendegenin kórýge bolady.

Qazir 15 ınfeksıalyq stasıonarda barlyǵy 2 183 oryn bar, tósek-oryn tolymdyǵy 36%-dy quraıdy, 1391 tósek-oryn bos. Infeksıalyq stasıonarda 791 naýqas emdelýde, jansaqtaý bóliminde – 158 naýqas em qabyldaýda. Ótken táýlikte 217 adam aýrýynan aıyǵyp, úıine shyǵaryldy.

Jalpy jyl basynan beri Shymkentte 32 770 adam KVI juqtyrǵan. 31 708 adam jazylyp shyqty, 1157 adam ókinishke oraı qaıtys boldy.

Búginde koronavırýsqa qarsy vaksınasıalaý boıynsha Shymkent 2-orynda tur. Egý naýqany bastalǵaly barlyǵy 463 001 adam vaksınasıalandy. Onyń ishinde 387 478 adam vaksınanyń eki komponentin de alǵan. Bul ekpe alýǵa bolatyn sanattaǵylardyń 86,1 paıyzyn quraıdy.