Búgin Úkimet Úıinde QR Premer-Mınıstriniń orynbasary Darıǵa Nazarbaevanyń tóraǵalyq etýimen qyzylshaǵa qarsy qosymsha ımmýndeý ótkizýge daıyndyq máseleleri boıynsha selektorlyq keńes ótti. Bul týraly Qamshy portaly Inform.kz-ke silteme jasaı otyryp habarlaıdy. 

Bul týraly QR Premer-Mınıstriniń baspasóz qyzmetinen habarlady.

Májilis jumysyna múddeli memlekettik organ ókilderi, Astana jáne Almaty qq. ákimderiniń orynbasarlary qatysty.

QR Densaýlyq saqtaý jáne áleýmettik damý mınıstrliginiń aqparatyna súıensek, a.j. 1 qazannan bastap 15-16 jas aralaǵyndaǵy tulǵalar arasynda qyzylshaǵa qarsy egýdiń ekinshi kezeńi bastalady. Birinshi kezeń bıyl aqpanda bolǵan, alaıda keleńsiz saldardyń tirkelýine baılanysty toqtatylǵan bolatyn. Ol kezde vaksınany 881 myń adamnyń 60 paıyzy alǵan. Ekinshi kezeń aıasynda 305 myń adamdy egý josparlanýda.

 «Sonymen qatar, Sanepıdemqyzmet derekteri boıynsha bıyl qyzylshany 2 myń bala men eresek alamdar juqtyrǵan,  bul 2013 jylmen salystyrǵanda, 4,4 esege kóp», - dep atap ótti N. Nazarbaeva.

Egýdiń birinshi kezeńin toqtatý sebepteri men olardy joıý boıynsha qabyldanǵan sharalar týraly mınıstr Tamara Dúısenova málimdedi.

«Bul naýqannyń daıyndyq jumystary jetkilikti deńgeıde bolmady. Densaýlyq saqtaý men áleýmettik damý jáne ulttyq ekonomıka mınıstrlikteri óz áreketterin úılestire almaǵanyn moıyndaý qajet. Immýndeýdi uıymdastyrýda, júrgizýde qajetti qoldaý kórsetilmedi. Birinshi kezeńde egýden keıin 399 jasóspirimniń ótinishi tirkelgen», - dep atap ótti vedomstvo basshysy.

T. Dúısenova birinshi kezeń qorytyndysy boıynsha memlekettik jáne jergilikti atqarýshy organdar Dúnıejúzilik densaýlyq saqtaý uıymymen birlesip qatelikti anyqtaý, ony joıý boıynsha tıisti jumystar júrgizdi.

«Tutastaı, búginde álemde qyzylsha aýrýyna baılanysty kúrdeli jaǵdaı qalyptasqan. Batys Eýropada 10 myńnan astam jaǵdaı tirkelse, TMD elderinde   juqtyrǵandar sany 14 myńǵa jetken. Qazaqstanda da jaǵdaı qýantarlyq emes», - dedi mınıstr.

 «Statısıkaǵa sáıkes óńirde qyzylshaǵa qarsy ımmýndeý tómen deńgeıde qamtylǵandyqtan, bul aýrýdy juqtyrǵandar sany arta túsken. Epıdemıologıalyq jaǵdaı men DDSU usynystaryn eskerip, osy jylǵy 1 qazannan bastap qyzylshaǵa qarsy qosymsha ımmýndeýdi jańartý sheshimi qabyldandy», - dep túsindirdi Dúısenova.

Densaýlyq mınıstrligi basshysynyń aıtýynsha, naýqandy sapaly júrgizý úshin ár óńirde shtab qurylǵan, olardy oblys ákimderiniń orynbasarlary basqarady. 3567 egý brıgadasy uıymdastyryldy, olardyń quramynda 3500 dáriger, 3600 medbıke, 7000-nan astam tirkeýshiler bar. Densaýlyqmıni jáne Sanepıdemqyzmetten jaýapty qyzmetkerler aıqyndaldy. BAQ-ta tıisti túsindirý-aqparattyq jumystar júrgizilýde.

Óz kezeginde, QR-daǵy DDSU ókili Melıta Výınovıch Qazaqstanda paıdalanylatyn vaksına óndirýshiden jáne DDSU júıesinen -  eki ret baqylaýdan ótkenin atap ótti.

«Biz barlyq ótinishter men zertteýlerdi qarap shyqtyq, vaksınaǵa baılanysty degen  eshbir dálel tappadyq. Bul basynan belgili jáıt edi. Biz vaksınany sapaly, barlyq talapqa jaýap beredi dep sanaımyz», - dep atap ótti ol.

«Kóp jaǵdaıda, keleńsiz jaǵdaıǵa alyp kelgen jasóspirimderdiń psıhogendik áreketi. Bul - vaksınaǵa emes, ekpege reaksıa», - dep túsindirdi DDSU ókili.

Sondaı-aq selektorlyq rejimde oblystar, Astana men Almaty qq. ákimderiniń orynbasarlary bilim berý nysandarynyń jáne medısınalyq qyzmetkerlerdiń egýdiń ekinshi kezeńine daıyndyǵy týraly aıtty.

Májilisti qorytyndylaı kele, N. Nazarbaeva vaksınasıany sapaly júrgizý úshin barlyq kúshter men resýrstardy jumyldyrý qajet ekenin atap ótti. Osyǵan baılanysty vıse-premer birqatar tıisti tapsyrmalar berdi.

QR UEM Tutynýshylardyń quqyqtaryn qorǵaý komıtetine 28 qyrkúıekke deıin bilim berý jáne densaýlyq saqtaý uıymdaryn jospardan tys tekserýdi aıaqtap, vaksınasıa júrgizýge kúndelikti monıtorıńti qamtamasyz etýdi tapsyrdy.

Densaýlyq mınıstrligi DDSU men IýNISEF sarapshylarymen birlesip  óńirlerge uıymdastyrý-ádistemelik kómekti qamtamasyz etip, keleńsiz jaǵdaılar tirkelgen jaǵdaıda, praktıkalyq jáne konsýltatıvtik kómek kórsetýi qajet.

Jergilikti atqarýshy organdarǵa naýqandy júrgizýge jáne BAQ arqyly aqparattyq-túsindirý jumystaryn kúsheıtý úshin oblys ákimderi orynbasarlaryna derbes jaýaptylyq júkteýdi bekitý usynyldy.