Qazirgi ýaqytta álem elderi úkimettik emes sektor isin damytý qaǵıdatyna kel­gen­de, alǵash olardyń júzege asyryp jatqan jo­balarynyń nátıjesine jáne oǵan beri­letin analıtıkalyq baǵamyna tereń zeıin qoıa bastady. Bul týraly Qamshy portaly Aıqyn-Aqparatqa silteme jasaı otyryp habarlaıdy.

Degenmen, bul oryndy da se­kildi, óıtkeni kez kelgen komersıalyq uıym nemese memlekettik organ bolmasyn, olardyń qyzmet baǵamyn taldaýǵa qatysty arnaıy standarttar men baǵamdaý júıeleri arqyly sala qyzmetin damytý qalypty tendensıaǵa aınalyp otyr. Máselen, bız­nesti alyp qaraıtyn bolsaq, kez kelgen ká­sipkerliktiń ólshemi jınaqtalǵan tuty­nýshylar sanyna qaraı anyqtalady, dál sol sekildi úkimettik emes sektordyń da qyz­meti áleýmettik salada qanshalyqty nátıjeli jobalardy júzege asyrýymen ti­keleı baılanysty. 
Úkimettik emes uıymdar isine qatysty baǵalaý ádistemesi eń alǵash HH ǵasyrdyń 60-jyldarynda joba nátıjesin jalpy­-lama baǵalaıtyn jınaqtyq jáne kezeń bo­ıynsha qalyptastyrýshylyq ólshemderi bol­ǵan bolsa, búginde mundaı baǵalaý ól­shemderiniń ınovasıalyq jańa túrleri kó­beıe tústi. Qazirgi tańda atalǵan salada halyqaralyq tájirıbede negizgi baǵalaý stan­darttary qataryna, amerıkalyq baǵa­laý júıesi (American Evaluation Association, AEA, www.eval.org), ulybrıtanıalyq(the UK Evaluation Society UKES, www.evalua­tion.org.uk) jáne fransıalyq (The French Evaluation Society (SFE), www. sfe-asso.fr) so­nymen qatar germanıalyq (Gesell­schaft für Evaluation e.V, www. degeval.de/nc/home) baǵalaý standarttary keń qoldanysqa ıe bolyp otyr. Standarttaý isinen ózge kom­mer­sıalyq emes sektordy turaqty ınves­tısıalaý men áleýmettik júzege asyrylǵan jobalardaǵy ınovasıalyq múmkindikterdi baǵalaýdyń jahandyq júıesi(«Global Im­pact Investing Network» (GIIN)) (SSHA) ja­sa­lynǵan. Munda áleýmettik salanyń 400-ge jýyq túrine arnalǵan sandyq ól­shem­der qurastyrylǵan. Máselen, bilim be­rý, densaýlyq saqtaý, qorshaǵan orta syn­dy baǵyttarǵa bóle otyryp, jeke stan­darttar qarastyrylǵan. Baǵalaý standart­tarymen qatar,úkimettik emes uıymdar isi­niń mazmuny men prosesine qatysty analı­tı­kalyq taldaý júrgizý isi de damyǵan el­derde keń qoldanysqa ıe bolyp otyr. Mun­daı saraptaý standarttarynyń biri, – «Ortaq ólshem platformalary» (Shared Mea­­surement Platforms) júıesi. Mundaı stan­­darttar eldegi úkimettik emes sektordyń qyzmetin jetildirýmen qatar, ózara báse­keniń kúsheıýine sáıkesinshe kórsetiletin qyzmettiń sapasynyń artýyna sebep bo­-lyp otyr. 
Bul baǵalaý standarttary bizdiń elde búginde belgili bir qyzmet kórsetý túrlerine qatysty,«Halyqqa qyzmet kórsetý, anyq­ta­malyq standarttary»,«Halyqaralyq ISO 9004-2» jáne «Memleketaralyq GOST 30335-95» standarttary qolda­nyla­dy. Atalǵan ólshemdik baǵalaý kommer­sıa­lyq jáne komersıalyq emes sektor isin­-de qatar qoldanylady. Degenmen, mundaı ba­ǵalaý jáne sertıfıkattaý júıesi ádette qazirgi jaı-kúıdi kórsetkenimen, qyzmet jelisin damytýǵa ınovasıalyq múmkin­dik­terdi arttyrý jáne suranys talaptaryn qanaǵattandyrý isinde áli de jańa ózgeris júıeleriniń qajet ekendigin kórsetedi. Son­­daı-aq eldegi úkimettik emes uıymdar­dyń memlekettik áleýmettik tapsyrystar­dy oryndaý, esepteme berý standarttary bıyl­ǵy jyly Mádenıet jáne sport mı­nıstrligi tapsyrysymen arnaıy nusqaý­lyq retinde shyǵarylǵan bolatyn. 
Qazirgi ýaqytta Mádenıet jáne sport mınıstrligi tapsyrysymen eldegi tirkelgen úkimettik emes uıymdar isine qatysty júr­gizilip jatqan memlekettik áleýmettik tap­syrys qyzmet kórsetýdegi standarttar men esep berýdiń ınovasıalyq túrlerin qol­danysqa engizýge birden-bir sebepker bo­la­dy degen senim mol.