Shaǵyn jáne orta kásipkerlik sýbektileriniń negizgi qyzmetiniń túrine baılanysty kóptegen daýly quqyqtyq qarym-qatynas týyn­daıdy, sonyń ishinde, qurylys merdigerlik kelisim shartynan shyǵa­tyn, saýda-sattyq kelisim sharty, aqyly qyzmet kórsetý jáne taǵy bas­qalary bar. Bul týraly Qamshy portaly Aıqyn-aqparatqa silteme jasaı  otyryp habarlaıdy.
Sońǵy ýaqytta sotqa túsetin daýlardyń keıbireýiniń sany artty. Munyń sebebi taýar satýmen, qyzmet kórsetý túrimen baılanysty má­mi­lelerdiń jazbasha túrde resimdelmegenine qatysty. Kórsetilgen sala­nyń azamattyq is saraptamasy kórsetedi, taýar ótkizgende, kópte­gen satýshylar mámileniń jazbasha túrin jasaýdy joqqa shyǵarady, satyp alýshynyń tólemge baılanysty mindetterin jaýapsyz oryn­daýy, qosymsha dáleldemeler tabýdy qajet etedi.
QR AK 151 b. erejelerine sáıkes, mámileler aýyzsha jáne jaz­ba­-sha nysanda jasalady (jaı nemese notarıaldyq). Zańdarmen nemese ta­raptardyń kelisimimen jazbasha (jaı, ne notarıaldyq) nemese ózge belgili bir nysan belgilenbegen mámile, atap aıtqanda, olar jasalǵan kezde atqarylatyn mámilelerdiń bári aýyzsha jasalýy múmkin. Mundaı mámile adamnyń minez-qulqynan onyń mámile jasaý erki aıqyn kó­rinip turǵan rette de jasalǵan dep sanalady.
Naqty aıtar bolsaq, kórsetilgen qarym-qatynastardyń mańyzdy jáne erekshe ózgesheligi, jazbasha túrde mámile jasaýdyń kerektiligi, má­mile somasy bolyp tabylady.Eger mámilelerdiń jekelegen túrleri úshin zańdarda ózgeshe arnaıy kózdelmese nemese iskerlik qyzmet órisi­niń ádettegi quqynan týyndamasa, mámilelerdi jasaý keziniń ózinde oryndalatyndarynan basqa, kásipkerlik qyzmet úrdisinde júzege asy­rylatyn; mámilelerdi jasaý keziniń ózinde oryndalatyndarynan bas­qa, júz eseptik kórsetkish joǵary somaǵa; zańdarda nemese taraptardyń kelisiminde kózdelgen ózge de retterde jazbasha túrde jasalýǵa tıis (QR AK 152 b.). Osylaısha, mámile somasy boıynsha bekitilgen esepti shek­teýde, kásipkerlik sýbektilerine keltirilgen aspektilerdi nazarǵa aýda­ryp aksentteý qajet, sondyqtan seriktestik qarym-qatynasta kór­setilgen qaǵıdalardy saqtamaý, taýar ótkizýde, aqyly qyzmet kór­setýde jáne t.b. tıesili somany ala almaýǵa ákep soǵady.
Uzaq ýaqyttyq seriktestik qarym-qatynasta, taraptardyń erik bil­dirýindegi shyn dáleldeme, taraptyń ýákiletti tulǵasy qol qoıǵan, qor­dyń saqtalatyn júkqujaty túrindegi taýar-jarlyq qujatta, jeke kýáligindegi málimetter kórsetilgen taýardy alý týraly satyp alýshy­nyń senimhaty, taýardy qabyldaý-tabystaý (qyzmet kórsetý) týraly akt, shot-faktýra. Jazbasha kelisimshart bolmaǵan jaǵdaıda, QR AİJK 65 b. sáıkes, ár tarap óziniń talaptarynyń jáne qarsylyqtarynyń negizi retinde silteme jasaıtyn mán-jaılardy dáleldeýi tıis. 
Aıtarlyqtaı qıynshylyqtar is boıynsha dáleldemelerdi tabýǵa baılanysty qaryzdy óndirip alý týraly daýlardy sheshýde týyndaıdy, uıymdar arasyndaǵy eseptesý tásili ózara taýar, qyzmet kórsetý soma­synan týyndaıtyn, sáıkesinshe daýdyń ár taraby, ózindegi aqparatty (dáleldemeni) saqtaı otyryp, óziniń kontragentiniń mindetterin qarsy oryn­daýda osyndaı jaǵdaıdyń sońǵysynda bolmaýy, is júzinde oryn­daýshyǵa (satýshyǵa) tıesili somamen aqysyz taýardy (qyzmetti) alady.
Mundaı sýbektilerdiń is áreketteri negizsiz baıý múlikti ıelený­shi­niń, jábirlenýshiniń óziniń nemese úshinshi tulǵalardyń pıǵylynyń nátıjesi ne oqıǵanyń saldary bolyp tabylǵanyna qaramastan qoldanylady, sonyń ishinde QR AK 953 b.
QR AK 10 baby belgileıdi, kásipkerlik – menshik túrlerine qara­mastan, azamattar men zańdy tulǵalardyń, taýarlarǵa (jumysqa, qyz­metke) suranymdy qanaǵattandyrý arqyly taza tabys tabýǵa baǵyt­talǵan, jekemenshik quqyǵyna (jeke kásipkerlik) ne memlekettik ká­­­siporyndy sharýashylyq júrgizý nemese oralymdy basqarý qu­qy­ǵyna (memlekettik kásipkerlik) negizdelgen yntaly qyzmeti. 
Kásipkerlik qyzmet kásipkerdiń atynan, onyń táýekel etýimen jáne múliktik jaýapkershiligimen júzege asyrylady.Táýekeldilikti joıý maqsatynda, kásipkerlik sýbektilerine bızneste seriktesti erek­she muqıat tańdaý kerek, sonyń ishinde sharýashylyq-qarjylyq qyzmet júrgizýde durys saqtyq kerek, sonymen qatar senimdi qarym-qatynasty da jazbasha túrde bekitken jón, azamattyq quqyqtyq qarym-qatynastyń turaqtylyǵynyń kepili bolyp sanalady.