Gúlshara Ábdiqalyqova Sankt-Peterbýrg qalasyndaǵy Eýrazıalyq áıelder forýmynyń ekinshi kúni aıasynda birqatar kezdesý ótkizdi.

/uploads/thumbnail/20170708195740616_small.jpg

Qazaqstan Respýblıkasynyń Memlekettik hatshysy Gúlshara Ábdiqalyqova Sankt-Peterbýrg qalasyndaǵy Eýrazıalyq áıelder forýmynyń ekinshi kúni aıasynda birqatar kezdesý ótkizdi. Bul týraly Qamshy portal Aqorda.kz-ke silteme jasaı otyryp habarlaıdy.

Shara aıasynda Memlekettik hatshy Belarýs Respýblıkasy Premer-mınıstriniń orynbasary N.I.Kachanovamen kezdesti. G.Ábdiqalyqova eki el arasynda ózara senimge qurylǵan jyly qarym-qatynas ornyqqanyn aıtty, sondaı-aq ekijaqty yntamaqtastyqty nyǵaıtýda Qazaqstan men Belarýs elderiniń kóshbasshylary eleýli ról atqaryp kele jatqanyn atap kórsetti.

– Ózara is-qımyldyń ártúrli deńgeıde qol qoıylǵan, kóptegen ekijaqty qujattardan turatyn normatıvtik-quqyqtyq bazasy tıimdi seriktestikke negiz bolyp otyr, – dedi  Memlekettik hatshy.

G.Ábdiqalyqova sondaı-aq Ázerbaıjan Respýblıkasynyń Otbasy, áıelder jáne balalar máseleleri jónindegi memlekettik komıtetiniń tóraıymy I.Gýseınovamen jáne Ońtústik Afrıka Respýblıkasy Ulttyq assambleıasy tóraǵasynyń orynbasary S.Tsenolımen kezdesti. Kezdesýler barysynda áıelderge qatysty zańnama jáne quqyq qoldaný tájirıbeleri, ana men balany qorǵaý, «EKSPO-2017» kórmesine qatysý máseleleri talqylandy.

Sonymen qatar G.Ábdiqalyqova TMD-ǵa múshe elderdiń Parlamentaralyq assambleıasynyń «Drevo jıznı» syılyǵyn jáne Eýrazıalyq áıelder forýmynyń syılyǵyn tapsyrý saltanatyna qatysty.

Tústen keıin Memlekettik hatshy Halyqaralyq eńbek uıymy Bas dırektorynyń orynbasary Sandra Polaskımen de kezdesti. Onyń barysynda taraptar eńbek qatynastaryn retteý jáne eńbekti qorǵaý salasynyń mańyzdy máselelerin talqylady.

G.Ábdiqalyqova S.Polaskıge Elbasy N.Á.Nazarbaevtyń elimizdi jan-jaqty jańǵyrtýǵa baǵyttalǵan Bes ınstıtýsıonaldyq reformasynyń, Ult jospary – «100 naqty qadamnyń», sondaı-aq «Nurly jol» jańa ekonomıkalyq saıasatynyń iske asyrylý barysy týraly áńgimeledi.

Memlekettik hatshy Qazaqstannyń zeınetaqy júıesin jańǵyrtý, sondaı-aq TMD-da jastardy eńbekpen qamtý salasyndaǵy saıasattyń tıimdiligin arttyrýǵa baǵyttalǵan HEU tehnıkalyq yntymaqtastyq jobasyn qarastyrý barysy týraly baıandady.

Sońynda  G.N.Ábdiqalyqova Qazaqstan mamandary oqytý jáne biliktiligin arttyrý isinde  HEU mańyzdy ról atqaryp otyrǵanyn atap ótti.  

 

 

 

Pikir qaldyrý

Qatysty Maqalalar