Qańtar oqıǵasy boıynsha 83 adam bas bostandyǵynan aıyryldy. Bul týraly Bas prokýratýra birinshi qyzmet basshysynyń orynbasary Eldos Qılymjanov málimdedi.

Onyń aıtýynsha, arnaıy prokýrorlar jappaı tártipsizdik boıynsha 53, terorızm aktisi boıynsha 32 qylmystyq isti qarap jatyr. Eldiń 8 aımaǵynda 30 myńnan astam tergeý jumystary júrgizilip, 3 myńnan astam sot medısınalyq saraptamasy jasalǵan. 

– Qazir 349 kúdikti qamaýda jatyr. Qańtar oqıǵasy boıynsha jaýapkershilikke tartylǵan 545 adamnyń 429-ynyń isi qylmystyq is boıynsha sotqa joldandy, – deıdi Eldos Qılymjanov.

Qılymjanov túrme merzimin arqalaǵandar ǵımarattardy qıratýǵa, órteýge, qarý-jaraq urlaý, memlekettik mekemeler men polısıa qyzmetkerlerine shabýyl jasaýǵa qatysqandar ekenine senimdi. Ol munyń bári jetkilikti túrde tekserilgenin aıtady.