Bas prokýratýra qańtar aıyndaǵy oqıǵalar kezinde ustalǵandardy azaptaǵan polısıa qyzmetkerlerine qatysty qylmystyq isterdi tergeý barysy týraly aqparat jarıalady.

Bas prokýratýra málimetinshe, qazirgi ýaqytta arnaıy prokýrorlar Almaty oblysynyń polısıa departamentinde útik basyp azaptaý tásilderin qoldaný isi boıynsha tergeýdi aıaqtaǵan.

"Nátıjesinde polısıa qyzmetkerleri 2022 jylǵy 7-17 qańtar aralyǵynda Taldyqorǵan qalasynda jappaı tártipsizdik jasaǵany úshin ustalǵan 23 azamatqa azaptaý qoldanǵany dáleldendi. Qylmystyq kodekstiń 146-baby (Azaptaý) boıynsha 5 polısıa qyzmetkeri kúdikti dep tanyldy, onyń ishinde 3 Krımınaldyq polısıa basqarmasynyń qyzmetkeri, 1 Ákimshilik polısıa basqarmasynyń ınspektory jáne 1 JQAJ qyzmetkeri. 2022 jylǵy 4 tamyzda qylmystyq is máni boıynsha qaraý úshin sotqa joldandy.  Azaptaýdy qoldanýdyń basqa da faktilerin tergeý aıaqtalýǵa jaqyn" delingen aqparattyq habarlamada.

Atalǵan bap boıynsha aıypkerdi bes jyldan on eki jylǵa deıingi merzimge bas bostandyǵynan aıyrý jazasy kózdelgen.