Asqaraly shyńdarymen aspanmenen astasqan Alataýdyń baýraıynda ornalasqan QazUÝ qalashyǵy talaı jastyń stýdenttik ómiriniń qyzyqty qupıaly syryn boıyna búgip jatqandaı kórinedi.   Osy romantıkaǵa toly QazUÝ-da bizdiń shetelden qandas baýyrlarymyz qazaq jastary da bilim alýǵa keledi. Shetelden qazaq jastary bilim jolyndaǵy alǵashqy qadamyn áýeli JOO-ǵa deıingi bilim berý fakúltetiniń daıyndau kýrsynda oqýdan bastaıdy.

Ál-Farabı atyndaǵy Qazaq ulttyq ýnıversıteti joǵary oqý ornyna deıingi daıyndyq kafedrasynda (málimetpen tolyǵyraq https://www.kaznu.kz saıtynan tanysa alasyzdar) qazaqstandyq joǵary oqý ornyna túsý úshin Bolon úderisi boıynsha oqıtyn shetel azamattary jáne UBT synaǵyna daıyndalýǵa kelgen sheteldik qazaq jastarymen qatar otandyq jastar da aqyly bólimde de bilim alady. Kafedranyń ustazdar ujymy daıyndyq kýrsynyń tyńdaýshy jastaryna sapaly bilimmen sanaly tárbıe berý jumystaryn ushtastyra júrgizedi. Bizde bilim alý úderisi 9 aıdyń aýqymynda, qysqa ǵana merzimde bolsa da, tyńdaýshylardyń  ýaqyty qyzyqty ótedi: olar kafedra, fakúltet, ýnıversıtet deńgeıinde ótetin ártúrli is-sharalarǵa belsene qatysady. Respýblıkalyq, halyqaralyq  deńgeıde uıymdastyrylǵan sporttyq, pándik olımpıadalarǵa, óner jáne shyǵarmashylyq baıqaýlarǵa saıystarǵa qatysyp, júldeli oryndardy jeńip alyp jatady.

Kafedrada «Qosh keldiń. Qazaqstanǵa!», «Atameken – altyn besik», «Táýelsizdik – tuǵyrym», «Álemge ortaq mereke», «Armysyń, áz Naýryz!» sekildi  t.b. ulttyq merekeler men halyqaralyq meıramdarǵa, ataýly kúnderge oraı dástúrli  saltanatty sharalar,  konserttik baǵdarlamalar ótkiziledi. Elimizdiń Túrkistan, Taraz sekildi tarıhı taǵylymdy qalalaryna jáne tabıǵattyń tamasha syıy, inji-marjandarymyz: Sharyn shatqaly, Esik kqli, Túrgen sarqyramasy, Medeý muzaıdynyna, Kóktóbege, Shymbulaqqa, Qaıyńdy kólge jáne taǵy da basqa khrnekti jerlerge saıahattaıdy.

Táýelsiz Qazaqstannyń qazirgi saıası-qoǵamdyq tynysyna, mádenıetine, salt-dástúrine beıimdeý jáne ulttyq qundylyqtarymyzdy dáriptep, olardy qurmetteýge baýlý maqsatyna arnalǵan áleýmettik-tárbıelik mańyzy zor is-sharalarmen qatar tyńdaýshylardy ǵylym-bilim jolyna jeteleıtin ǵylymı semınarlar, vevınarlar, jas ǵalymdar konferensıasy uıymdastyrylady.

Aǵymdaǵy oqý jyly sheteldik jastar úshin elimizdiń ásem qalasy Almatyny tanystyrýǵa arnalǵan mádenı-tanymdyq saıahat sabaǵy men keńpeıil qazaq halqynyń qonaqjaılylyǵy men qaıyrymdylyǵyn, ulttyq mádenıetin, órkenıetti ómir tynysyn tereńirek tanystyrý maqsatynda, Respýblıka kúniniń qurmetine oraı «Qosh keldińder, Qazaqstanǵa» atty merekelik is-shara uıymdastyrylady. is-sharany fakúltet , kafedra basshylyǵynyń jetekshiligimen JOO-ǵa deıingi daıyndyq kafedrasynyń kýrator-edvaızerleri ótkizedi.

Olardyń jańa tanystyǵy, jańa dostarmen kezdesýi, bilim qýǵan izdenis pen romantıkaǵa toly qyzyqty da jarqyn stýdenttik ómirleriniń alǵashqy qadamy osylaısha bizdiń kafedranyń qyz-qyz qaınaǵan ónegeli ómirinen, taǵylymdy táliminen, ulaǵatty iliminen  bastalady.

Ál-Farabı atyndaǵy Qazaq últtyq ýnıversıteti

JOO-ǵa deıingi daıyndyq kafedrasynyń aǵa oqytýshylary

Naralıeva R.T.; Begalıeva A.K.