Almaty oblysynda joǵalǵan balalar bir táýlik ishinde tabyldy, dep habarlady Polisia.kz. Taý arasynda bir kún boıy adasyp júrgen balalardy jergilikti turǵyn taýyp alǵan.
25 qazanda Talǵar aýdany PB kezekshi bóliminiń púltine jergilikti turǵynnan kámeletke tolmaǵan balalardy izdestirýge járdem kórsetý týraly habarlama kelip túsken. Ol sol kúni saǵat 10:30 shamasynda 6 jasar uly kámeletke tolmaǵan eki baýyrymen birge úıden shyǵyp, oralmaǵanyn aıtqan.
"Kámeletke tolmaǵandardy izdestirýge óńirdiń jeke quramy dereý baǵyttaldy jáne polısıanyń barlyq keshendi kúshteri men narádtaryna baǵdarlar jiberildi. Almaty oblysy Polısıa departamenti bastyǵynyń jeke baqylaýynda bolǵan izdeý is-sharalaryna eriktiler de qosyldy. Nátıjesinde kezekshi táýlik ishinde kámeletke tolmaǵandardy Besaǵash aýylynan 12 shaqyrym jerde Besqaınar aýyldyq okrýginiń taýly jerinen “Tabaǵan” TA baǵytynda jergilikti turǵyn tapty. Qazirgi ýaqytta kámiletke tolmaǵan balalar úılerine aman-esen oraldy" delingen habarlamada.
Pikir qaldyrý