Qazaqstandaǵy jáne álemdegi alǵashqy etnıkalyq, Koreı túbeginen tys jalǵyz memlekettik koreı teatrynyń qurylyp, sahna tórinde ulttyq klasıka men túrli qoıylymdardy kórermenderge usynyp júrgenine bıyl 90 jyl tolyp otyr.

Osy aıtýly dataǵa oraı kórermenniń nazaryna Respýblıkalyq memlekettik akademıalyq koreı mýzykalyq komedıa teatrynda «Nam 90» atty mereıtoılyq spektakl-konserti uıymdastyryldy. Qoıylymda basty keıipker fleıtashy teatrdyń ómiri, uzaq jáne qıyn joly týraly baıandaıdy. Teatrdyń qyzmeti Qazaqstan koreıleriniń tarıhymen tyǵyz baılanysty. Barlyq umtylystar, qýanyshtar, jeńister jáne ártister men teatr qyzmetkerleriniń, Koreı teatrynyń tarıhyn jasaǵandardyń qajymas eńbeginiń kórinisi boldy.

İs-sharaǵa QR Mádenıet jáne sport mınıstrliginiń, Almaty qalasy ákimdiginiń, Qazaqstan halqy Assambleıasynyń, Almaty qalasyndaǵy Koreı Respýblıkasynyń Bas konsýldyǵyń ókilderi, qala turǵyndary men qonaqtary qatysty.

Sonymen qatar is-shara barysynda teatr ujymynyń ókilderi mádenıet salasyn damytýǵa qosqan úlesteri úshin memlekettik jáne vedimistik nagaradalarmen marapattaldy.

Aıta ketsek, atalǵan teatr 1932 jyly 9 qyrkúıekte Vladıvostokta Koreı klýbtary men teatr úıirmeleriniń negizinde Qıyr Shyǵys koreı teatry retinde qurylyp, bizdiń mádenıetimizdiń ajyramas bóligine aınaldy.

Búgingi tańda teatrda ulttyq ónerdiń zamanaýı jáne dástúrli janrlary belsendi damyp keledi, olardy «Samýlnorı» perkýssıalyq aspaptar fólklorlyq ansambli, balet trýppasy, vokalıster jáne teatrdyń drama trýppasy shyraıyna keltirip oryndap keledi.

Koreı teatrynyń sahnasynda ár jyldary Lı Den Nım men En Sen Nenniń «Chýn Hán degen qyz týraly ańyz» (1935-36), Ten Don Hektiń «Ondal týraly ańyzy» (1972) ben Han Dınniń «Ianbaı týraly ańyzy» (1973, 1985), sonymen qatar N.Ostrovskııdiń «Naızaǵaıy» (1950), Ǵ.Músirepovtiń «Qozy Kórpesh-Baıan sulýy» (1949, 1975), M.Áýezovtiń «Eńlik-Kebegi» (1962), t.b. pesalar qoıyldy.