Qazaqstanda 1 qyrkúıekten bastap keıbir synyptardyń oqý baǵdarlamasyna ózgeris engiziledi. Mektep baǵdarlamasyna ózgeris engizý týraly qujat "Ashyq NQA" portalyna shyǵarylyp, qoǵamdyq talqylaýǵa usynylǵan. 

Qujat boıynsha bıyldan bastap 2 synyp oqýshylary "Kórkem eńbek" pániniń ornyna "Eńbekke baýlý" men "Beıneleý ónerin" oqıdy. Al "Shet tili" páni oqý baǵdarlamasynan alynyp tastalady.

“Mektep baǵdarlamasyna ózgertý engizýdiń basty maqsaty – oqýshyǵa túsetin júktemeni azaıtyp, STEM bilim berý tásilderiniń negizinde jaratylystaný baǵytyndaǵy  pánderdiń oqytylýyna den qoıý.  Bul bilim alýshylardyń áleýmettenýi men mamandanýyna da oń áserin tıgizedi. Oqýshynyń turǵylyqty jeri men oqytý tiline qaramastan, sapaly bilim alýyn qoljetimdilikti etkimiz keledi”, – delingen qujatta.