Qytaı armıasy Taıvan mańynda áskerı jattyǵý ótkizip jatyr, dep habarlady informburo.kz

Búgin Taıvan mańynda Qytaıdyń 59 áskerı ushaǵy baıqalǵan. Vedomstvonyń málimetinshe, 39 ushaq Taıvan buǵazyn kesip ótip, Taıvan áýe qorǵanys aımaǵyna engen.

Buǵan deıin, Taıvan prezıdenti  Los–Andjeleste AQSH Ókilder palatasynyń spıkeri Kevın Makkartımen kezdesken bolatyn. Kezdesýden keıin Qytaı bıligi Taıvan aýmaǵynda úsh kúndik áskerı jattyǵý bastaǵanyn jarıalady. Jattyǵý kezinde QHR–nyń 71 ushaǵy men áskerı kemeleri araldy qorshaý sqemasyn ázirlep, Taıvannyń negizgi nysandaryna shabýyl josparyn qurǵan.

Aralda blokada qurýdy kózdeıtin oqý–jattyǵýǵa Qytaıdyń bombalaýshy ushaqtary men áskerı kemeleri qatysyp jatyr.

Buǵan deıin AQSH Qytaı basyp kirse, Taıvanǵa ásker jiberýge daıyn ekenin málimdegen bolatyn.

Eske sala keteıik, Qazaqstan Taıvannyń táýelsizdigin moıyndamaıdy.