Elimizde turmystyq zorlyq-zombylyqqa ushyraǵandardyń 60%-y polısıaǵa aryz túsirmeıdi. Bul týraly Ákimshilik polısıa komıteti tóraǵasynyń orynbasary Renat Zulqaıyrov habarlady. 

"2015-2016 jyldary túsken 100 myńnan astam habarlama boıynsha kinálilerge eshqandaı jaza qoldanylǵan joq. Zańnama ózgerdi, biraq biz basqa máselege tap boldyq. Óıtkeni, jábirlenýshiler kóbine agresorǵa qarjylyq jáne psıhologıalyq turǵydan táýeldi. Óz kezeginde İshki ister mınıstrligi turmystyq zorlyq-zombylyq týraly árbir shaǵym boıynsha sharalar qabyldaýda. Sonymen birge, jábirlenýshilerdiń 60%-y polısıaǵa aryz túsirýden bas tartady. Tıisinshe, biz jaza qoldanbaımyz", - dedi komıtet ókili baspasóz máslıhatynda.

Sonymen birge, Renat Zulqaıyrov jyl saıyn polısıaǵa otbasylyq janjaldar boıynsha 100 myńnan astam shaqyrtý túsetinin aıtty.

"Turmystyq zorlyq-zombylyqtyń aldyn alý - QR otbasylyq-demografıalyq saıasatynyń ózekti máselesi. Azamattarǵa qatysty dene jaraqaty, seksýaldyq, psıhologıalyq jáne ekonomıkalyq zorlyq-zombylyq jasalady. Jyl saıyn polısıaǵa otbasylyq janjaldar boıynsha 100 myńnan astam shaqyrý kelip túsedi", – dedi ol.