Alaıaqtardyń kesirinen bankke qaryz bolyp qalǵan qazaqstandyqtardyń kredıti keshirilýi múmkin. Bul týraly Qarjy naryǵyn retteý jáne damytý agenttiginiń tóraǵasy Madına Ábilqasymova málimdedi.
"Qazirgi tańda ekinshi deńgeıli banktermen, memlekettik organdarmen zardap shekken azamattarǵa shyǵyndy qaıtarý boıynsha zańnamalyq tetik ázirlenip jatyr. Iaǵnı bul kredıttiń alaıaqtyq jolmen rásimdelýi nemese qaryz alýshynyń óz qarajatynyń shottan alynýy bolýy múmkin. Eger sot sheshimi bolmasa, qarjy uıymy shyǵyndy ótemeıdi", - dedi Ábilqasymova májilis kýlýarynda.
Aıtýynsha, alaıaqtyń qurbany bolǵan azamat polısıaǵa aryzdanýy kerek. Quqyq qorǵaý organdary alaıaqtyq boıynsha tergeý bastaldy degen qujatty bergennen keıin, bank mindetti túrde ol nesıe boıynsha syıaqy, aıyppul esepteýdi toqtatady.
Sonymen qatar eger salymshy banktiń aqparattyq qaýipsizdik talaptaryn saqtamaýyna baılanysty shottaǵy aqshasynan aıyrylsa, bank onyń aqshasyn qaıtarýǵa mindetti bolady.
"Eger banktiń aqparattyq qaýipsizdigi nemese aqparattyq júıeleri salymshynyń shotynan aqsha sheshýge múmkindik berse, ıaǵnı bul jerde salymshynyń kinási joq, biz zańnamalyq deńgeıde bankti shyǵyndy qaıtarýǵa mindetteýdi josparlap otyrmyz", - dedi Ábilqasymova.
Derekkóz: sputnik.kz
Pikir qaldyrý