Jýrnalıs Qanat Tileýhan marqum Bolat Atabaev týraly derekti fılm túsirýdi josparlap otyr. Bul týraly jýrnalısiń ózi feısbýk paraqshasynda jazdy.
"Batysta Kraýdfándıng degen uǵym bar eken. Qysqasy, qazaqsha aıtqanda asar ǵoı. Bir jobaǵa toqaılasyp qarjylyq járdem kórsetý. Tutas bir arnaǵa aqsha suraý ábestik bolar.
Men derekti fılmnen bastamaq oıǵa bekidim. Kúresker rejıser Bolat Atabaev jaıly derekti fılm túsirýge yqylastymyn. Aty – «Myń jyldyq oıyn». Teatr óneri myńjyldyq oıyn. Dıktatorlardyń halyqpen oıyny myń jyldyq oıyn emeı nemene?! Jańa jobanyń kónsepsıasyn tolyq jazý shart emes dep oılaımyn. Biraq jaqsy dúnıe jasap shyǵýǵa barymyzdy salamyz", dep jazdy Qanat Tileýhan.
Jýrnalıs atalǵan derekti fılmdi túsirý úshin shamamen 3 mln teńge jumsalatynyn aıtty.
"Senarı, jol shyǵyny, redaktorlyq jumys, t.b. usaq jumys – 0 teńge. Eger birigip «Myń jyldyq oıyndy» túsiremiz deseńizder kaspı myna nómirde: 8775 648 09 87.
Qaltaly hám kásipker jigitterge habarlastym. Ókinishke qaraı bizde derekti kınony qoldaý jaǵy joq. Kóbine as, kókpar, báıge t.b sharalarǵa búıregimiz burylyp turady eken", deıdi ol.
Pikir qaldyrý