Bıylǵy jyly "Er esimi – el esinde" ("Batyrlarǵa taǵzym") jyl saıynǵy aksıasy onlaın formatta arnaıy attas platformada https://batyrlargatagzym.el.kz ótedi, ol qazaqstandyq batyrlar týraly barlyq aqparatty kórsetýge múmkindik beredi. Bul týraly Óńirlik komýnıkasıalar qyzmetiniń brıfıńinde Almaty qalalyq ardagerler keńesiniń ókilderi habarlady. 9 mamyrda Almatyda ótetin onlaın-sherýge barlyǵy qosyla alady. 

"Bizdiń onlaın-aksıany ótkizýde tájirıbemiz jetkilikti dárejede. 2020-2021 jyldardaǵy karantındik shekteýler kezinde osyndaı aksıa dál osy formatta ótken. Aksıany dástúrli formatta ótkizý únemi qoǵamdyq qaýipsizdiktiń belgili bir keleńsiz jaǵdaılaryna alyp keletini jasyryn emes. Sonymen qatar, qalanyń ortalyq kósheleriniń birindegi qozǵalystyń jabylýy avtokólik ıeleri men jaqyn mańdaǵy úı turǵyndary úshin qolaısyzdyqtar týǵyzady", - dedi "Aýǵanstan ardagerler odaǵy " qoǵamdyq birlestiginiń tóraǵasy, Almaty qalalyq ardagerler keńesi tóraǵasynyń orynbasary Murat Abdýshýkýrov.

Aıta ketý kerek, onlaın-aksıalarǵa qala turǵyndary belsendi qatysa otyryp ony qoldaıdy. 

Bıyl mektepter men kolejderde, beıbit ýaqytta erjúrektik pen batyldyq tanytqan áskerı qyzmetshiler, ardagerler, qatardaǵy azamattardy shaqyrýmen, taqyryptyq "Batyldyq sabaqtary", sondaı-aq balalardy ártúrli ásker bólimderimen tanystyrý boıynsha sabaqtar ótetinin habarlaımyz.

Almaly aýdandyq ardagerler keńesiniń tóraǵasy Bataı Qabylov "Ardagerlerge taǵzym" qaıyrymdylyq aksıasy aıasynda Uly Otan soǵysynyń qatysýshylary men múgedekteri, úıde qyzmet kórsetetiletin jáne medısınalyq-áleýmettik mekemelerdegi tyl eńbekkerlerin quttyqtaý josparlanǵanyn aıtty.

Sonymen qatar, soǵys ardagerlerin jáne olarǵa teńestirilgen sanattaǵy adamdardy, onyń ishinde úıde keshendi áleýmettik-medısınalyq tekserý aıy jalǵasýda. Sondaı-aq dárilik preparattardy Uly Otan soǵysynyń jalǵyzbasty jáne jalǵyz turatyn qatysýshylary men múgedekterine úıge jetkizý júzege asyrylady.

Aqsaqaldar Almaty turǵyndary men qonaqtaryn arandatýshylyqqa berilmeýge, qoǵamdaǵy kelisim men ózara syılastyqty saqtaýǵa shaqyrdy.

"9 mamyr - bizdiń ortaq merekemiz. Bul kúnderi rızashylyq bildirip, soǵys ardagerlerin qurmettep, birlikti kórsetýimiz kerek", - dedi.