Almatyda 7 mamyrda saǵat 11:00-de Otan qorǵaýshy kúnin merekeleý aıasynda 28 gvardıashy-panfılovshylar atyndaǵy saıabaqta merekelik konsert pen áskerı qyzmetshilerdi marapattaý rásimi ótedi.

Konsertke áskerı qyzmetshiler, áskerı úrmeli orkestr, sondaı-aq sahnada Baǵlan Ábdiraıymov, Tolqyn Zabırova, «IL Canto» kvarteti, Jámıla Serkebaeva jáne t.b. óner kórsetedi. 

Sonymen qatar, merekelik is-sharalar qalanyń barlyq aýdandarynda ótedi.

- Alataý aýdanynda  ardagerler men jastardyń qatysýymen "Er esimi – el esinde" eskertkishine gúl shoqtaryn qoıý 7 mamyr kúni tańǵy saǵat 10:00-de Janqoja batyr kóshesi, 26 mekenjaıdaǵy aýdan ákimdigi ǵımaratynyń aldynda bolady. Jeńis kúni men Otan qorǵaýshylar kúnine arnalǵan merekelik is-shara 7 mamyrda saǵat 11:00-de Atletter aýylynda ótedi;

- Almaly aýdanynda «Elim meniń» patrıottyq ánder oryndaýshylarynyń baıqaýy 7 mamyrda saǵat 17:00-de Arbatta ótedi.

- Bostandyq aýdanynda Otan qorǵaýshylar kúnine arnalǵan saltanatty is-shara 5 mamyrda saǵat 11:00-de Ulttyq ulannyń 5571 áskerı bóliminiń «Ońtústik» óńirlik komandovanıasynda ótedi, Popov kóshesi, 1a

- Jetisý aýdanynda 1941-1945 jyldardaǵy Uly Otan soǵysyndaǵy Jeńis kúnine jáne Uly Otan soǵysy ardagerleriniń, tyl eńbekkerleriniń, ardagerler uıymdarynyń aktıvi men Qarýly Kúshter ókilderiniń qatysýymen Otan qorǵaýshylar kúnine arnalǵan merekelik konsert 7 mamyrda saǵat 14:00-de Kemel shaǵyn aýdanyndaǵy Esim han kóshesi, 127A-da ótedi;

- Medeý aýdanynda Otan qorǵaýshy kúnine arnalǵan merekelik konsert 6 mamyrda, Ǵylym Akademıasy ǵımaratynyń aldyndaǵy alańda (Shevchenko kóshesi, 28) saǵat 10:00-de ótedi;

- Naýryzbaı aýdanynda Otan qorǵaýshy kúnine arnalǵan saltanatty konsert 5 mamyrda saǵat 10:00-de Aqjar shaǵyn aýdany, Dáýletkereı kóshesi, 178 mekenjaıdaǵy áskerı bólimde ótedi.

- Túrksib aýdanynda Otan qorǵaýshy kúnine arnalǵan baǵdarlama 6 mamyrda, QR qurlyq áskerı ınstıtýtynda (Krasnogorskaıa, 4) saǵat 11:00-de ótedi.