Toqaevtyń ýádesine qaramastan AES máselesi referendýmǵa shyǵarylmaıtyn boldy. Bul jóninde energetıka vıse–mınıstri Jandos Nurmaǵanbetov málimdedi. 

"Bul másele referendýmǵa shyǵarylmaıdy. Negizgi másele AES–tiń qaıda ornalastyna bolyp otyr. Ekinshi másele, tehnologıa men qarjylyq-ekonomıkalyq model", – dedi Energetıka vıse–mınıstri Jandos Nurmaǵanbetov beısenbi kúni Senat otyrysynda.

KazTag aqparattyq agenttiginiń habarlaýynsha, jýrnalıser atom stansısynyń qaıda ornylasaty 2023 jyldyń birinshi jartyjyldyǵynda sheshilýi tıis ekenine nazar aýdarǵan.

"Ókinishke oraı, bul jaǵyn áli sheshken joqpyz. Zańnamaǵa sáıkes másele Almaty oblysynyń máslıhaty men qoǵamdyq tyńdaýda tur. Qazir bizge jańa mınıstr kelgendikten, bul máseleni áli de talqylap jatyrmyz",–dedi Nurmaǵanbetov.

Eske sala keteıik, buǵan deıin Qazaqstan prezıdenti Qasym–Jomart Toqaev AES salynatyn bolsa, mindetti túrde, halyqpen sanasatynyn aıtqan edi. 

"Tipti, qajet bolsa bul másele boıynsha referendým ótkizemiz. Sebebi bul óte jaýapty, ózekti másele. Sondyqtan men ýádemdi oryndaımyn", - degen bolatyn el prezıdenti.