Mektep tabaldyryǵyn attaýǵa ótinish bergender qatary 250 myńǵa jýyqtady. Oqý–aǵartý mınıstrliginiń aıtýynsha, bıyl balalardyń 70 paıyzy memlekettik tilde bilim alýdy tańdaǵan. 

Elimizde 1 synypqa qabyldaý sáýir men tamyz aılarynyń birine deıin jalǵasady. Qazirdiń ózinde 249 737 ótinish túsipti. Onyń ishinde balalardyń 70 paıyzy qazaq tilinde oqytýdy tańdaǵan.

"Bıylǵy birinshi synypqa qabyldanýshylar arasynda memlekettik tilde oqyǵysy keletinder kóp. Qazaq tilinde oqytatyn synyptarǵa qabyldaý boıynsha Qyzylorda 94,1%, Mańǵystaý 93,2%,  Ulytaý 82,5%, Túrkistan 80,6% jáne Jambyl 79,4% oblystary eń joǵary kórsetkishpen alda tur", – dedi komıtet tóraǵasynyń orynbasary Jomart Qarambaev.

Azamattarǵa yńǵaıly bolý úshin qujattardy qabyldaý Egov.kz portaly arqyly júzege asyrylady. Aldyn ala boljam boıynsha, jańa oqý jylynda 410 myńnan astam bala birinshi synypqa barady.