Tótenshe jaǵdaı mınıstrligi elde tótenshe jaǵdaı kezinde qoldanylatyn tehnıkalardyń jetispeıtinin moıyndady.

"Tótenshe jaǵdaı mınıstrligi 80 paıyzǵa ǵana tehnıkamen jabdyqtalǵan. Qazirgi ýaqytta 3200 tehnıka bar. Áli 430 tehnıka kerek. 470 tehnıkanyń qoldanylyp júrgenine 20 jyldan asyp ketken" – dedi tótenshe jaǵdaılar birinshi vıse-mınıstri Ibragım Kúlshimbaev.

Senat otyrysynda elde órtsóndirýshiler men ormanshylardyń jalaqysy tómen ekeni de aıtyldy. Qazirgi ýaqytta órtsóndirýshilerdiń ortasha jalaqysy 180 myń teńgeni quraıdy. Sonymen qatar, elde 121 órt sóndirý bólimi jetispeıdi. Qazir 426 órt sóndirý bólimi bar.

Qazaqstanda orman órti jıilep ketken. Úsh jyl buryn 700 orman órti tirkelse, byltyr 757 orman órti bolǵan. Bıyl jyl basynan beri 146 orman órti, 700 dala órti tirkelgen.