Almaty oblysynda júrgizilgen saraptama nátıjesi boıynsha 2024 jylǵy I toqsanda jumyssyzdar sany 34,8 myń adamdy quraǵan. Bul týraly Ulttyq statısıka búrosy málim etti. 

Jumyssyzdyq deńgeıi jumys kúshine qaraǵanda 4,6%-ǵa artyq.

2024 jyldyń 1 mamyrǵa jumyspen qamtý organdarynda jumyssyzdar retinde tirkelgender sany 24331 adamdy quraǵan. Bul kórsetkish jumys kúshiniń jalpy sanynyń 3,3 paıyzyn qurap otyr. 

2023 jylǵy IV toqsanda qyzmetkerlerge eseptelgen (kásipkerlik qyzmetpen aınalysatyn, shaǵyn kásiporyndarsyz), ortasha aılyq ataýly jalaqy 319473 teńgeni qurady, ósim 2022 jylǵy IV toqsanǵa 17,7% qurady. Al 2023 jylǵy IV toqsanda naqty jalaqy ındeksi 108,4% bolyp qalyptasty.

2023 jylǵy IV toqsanda oblys halqynyń ortasha jan basyna shaqqandaǵy ataýly aqshalaı tabysy baǵalaý boıynsha 136 253 teńgeni qurady. Bul kórsetkish 2022 jylǵy IV toqsanmen salystyrǵanda 14,4%-ǵa joǵary, atalǵan kezeńge naqty aqshalaı tabystyń ósý qarqyny 5,3%-dy quraıdy.

Aıta keteıik, Almaty oblysynda aldaǵy ýaqytta 7 myń jańa jumys ornyn ashý josparlanyp otyr. Jumys oryndary iri on bir ınvestısıalyq jobany iske asyrý nátıjesinde júzege aspaq.