Ekonomıkanyń damýyn, ekonomıkalyq ózin-ózi qamtamasyz etý, ekonomıkany ártaraptandyrý, ınvestısıa tartý, saýda-ekonomıkalyq yntymaqtastyq, qazaqstandyq ónimniń sapasyn arttyrý, ulttyq eksporttaýshylardy damytý maqsatynda Almaty alasynda joǵary deńgeıde jumystar atqarylyp keledi.

Megapolıste bıyl eksport kólemin ulǵaıtýǵa qatysty qala ákimi Erbolat Dosaev Ońtústik Koreıanyń Chýnchonnam-do provınsıtásynyń gýbernatory Kım The Hymmen kezdesti. Kezdesý barysynda Almaty ákimi Erbolat Dosaev Qazaqstan-Koreı qatynastary strategıalyq áriptestiktiń joǵary deńgeıde ekenin aıta otyryp, Ońtústik Koreıa Qazaqstan ekonomıkasyndaǵy jetekshi sheteldik ınvestorlardyń biri bolyp tabylatynynyn da sóz etti.  Iaǵnı, 2005 jyldan beri ınvestısıa boıynsha shamamen 9,5 mıllıard AQSH dollary tartylǵan. Almaty men Koreıa Respýblıkasy arasyndaǵy taýar aınalymy da qarqyndy ósip keledi. Byltyr bul kórsetkish 2022 jylmen salystyrǵanda 21 paıyzǵa edáýir artyp,  1,27 mıllıard AQSH dollaryn quraǵan bolatyn.

Sondaı-aq megapolıste Ońtústik Koreıa kapıtalymen baılanysa otyryp, 537 kásiporyn jumys istep keledi. Al jalpy Qazaqstan boıynsha jeti júz otyz bes kásiporyn bar.  Atap aıtsaq,  Koreıa memleketinen  Samsung, KIA, Hyundai, LG, SsangYong, Lotte sekildi taǵy basqa iri kompanıalar usynylyp keledi.

Jıyn barysynda Koreıanyń Chýnchonnam-do provınsıtásynyń gýbernatory Kım The Hym Erbolat Dosaevqa qonaqjaılylyǵy úshin alǵysyn bildire otyryp, qazaq jáne koreı halyq arasyndaǵy tereń tarıhı baılanystardy atady. Kım The Hym etnıkalyq koreı halqynyń Qazaqstanǵa qıyn kezeńinde qonys aýdarýynyna baılanysty kórsetilgen qoldaýlardy aıta otyryp,  budan keıin de áriptestikti nyǵaıtýǵa qatysty pikirin aıtty.

Sonymen qatar Chýnchonnam-do provınsıasy Ońtústik Koreıa ekonomıkasynda damýdyń iri lokomotıvi ekendigine qatysty eksport kólemi boıynsha saýda balansy men jalpy ishki ónimge qatystyaekinshi orynda turǵanyn aıtady. Qazirgi tańda Chýnchonnam-do provınsıasynda elektronıka, kosmetıka, azyq-túlik taýarlary men aýyl sharýashylyǵy, balyq sharýashylyǵyna qatysty óndirister damyǵan.

Jıyn sońynda eki tarap yntymaqtastyqty odan ári damytý úshin zor áleýetti atap óte otyryp, saýda-ekonomıkalyq jáne ınvestısıalyq ózara is-qımyl men týrızm, bilim berý, jastardy qoldaý salalaryn ulǵaıtý máselelerine erekshe nazar aýdarylyp keledi. Bul Almaty qalasynyń alǵa qaraı damýyna úlesin qosary anyq.