Endi Qazaqstanda petısıany qaraýǵa qabyldaý úshin jınalýy kerek qol mólsheri artýy múmkin. Bul týraly Aıda Balaeva málimdedi. Buǵan deıin petısıa qaralýy úshin 50 myń adamnyń qol qoıýy jetkilikti bolatyn. Endi mınıstrlik onyń sanyn kóbeıtýdi qarastyrmaq.  

"Qazirdiń ózinde daýys berý shegin jáne ótinishterdi qaraıtyn memlekettik organdardyń sanyn kóbeıtý kerek degen usynystar aıtylyp jatyr. Biz, árıne, usynystardy qarastyramyz", – dedi Balaeva senat otyrysynda.

Mınıstr jınalýy kerek qol mólsheri qanshaǵa kóteriletinin naqtylamady. Alaıda ýtılalymǵa qarsy petısıa qaralý úshin jetkilikti qol jınaǵanyn atap ótti.

Sondaı–aq, aqparat mınıstri "petısıa memlekettiń óz qalaýyn istetý quralyna aınalýy múmkin" degen pikirmen kelispeıtinin atap ótti.