Portaldyń málimetinshe, jańa klýb Almaty United dep atalady. Fýtbol klýby 2025 jylǵy maýsymdy QFL ekinshi lıgasynan bastaıdy. Jańa fýtbol klýbyn ashýdaǵy basty maqsat Qaırat Boranbaev basqaratyn "Qaırat" fýtbol klýbynyń akademıasynan shyqqan túlekterdi oıyn tájirıbesimen qamtamasyz etý bolyp otyr.

Jańa klýb óz alańyndaǵy machtaryn "Qaırat" akademıasy nysandarynyń birinde ótkizedi. Al klýbtyń bas dırektory qyzmetin "Qaırattyń" eks-dırektory, qazir Player Sareer Management fýtbol agenttiginiń basshysy Baımuhanov Marat Búrkituly atqarady.

Kompra.kz deregi boıynsha Baımuhanovqa Almaty United JSHS tirkelgen. Kompanıa 2024 jyldyń sáýir aıynda Almatyda paıda boldy. Qujat boıynsha Á.Kekilbaıuly kóshesi 30, mekenjaıynda "Qaırat" fılıaldarynyń biri jáne Almaty Football Academy fýtbol akademıasy ornalasqan.

Eske sala ketsek, 2023 jyldyń naýryz aıynda Astana soty Qaırat Boranbaevty kvazımemlekettik sektordan aqsha jymqyrǵany úshin segiz jylǵa bas bostandyǵynan aıyrdy. Keıinirek ekinshi satydaǵy sot onyń merzimin eki jylǵa qysqartty.

Sol kezde Almaty ákimi Erbolat Dosaev Boranbaevtyń ıeligindegi "Qaırat" fýtbol klýby ákimdiktiń menshigine berilmeıtinin, kásipkerdiń jeke menshiginde qalatynyn habarlandy