Almaty oblysynyń prokýrory Berik Adamov tergeý jumystary kezinde zań buzýshylyqtardyń bolmaǵynyn málimdedi. 

“Jábirlenýshi tarap sottyń ashyq ótýin talap etip jatyr. Tergeý barysynda eshqandaı zań buzýshylyqtar bolǵan joq. Prokýratýra sottyń onlaın rejımde, ashyq ótýin suraıdy”, – dedi Berik Adamov.

Sondaı-aq polısıa Talǵardaǵy oqıǵa ornynda túsirilgen vıdeonyń tarap ketýine baılanysty qylmystyq is qozǵady. İshki ister mınıstriniń birinshi orynbasary Baýyrjan Álenov bir kún buryn áleýmettik jelide "Qamajaı" dúkeniniń aldynda túsirilgen vıdeo taraǵanyn aıtty.

“Bul vıdeo keshe (14 qazan – shamamen) áleýmettik jelide paıda boldy. İshki qaýipsizdik departamenti bul fakti boıynsha qylmystyq is qozǵady. Bul vıdeonyń áleýmettik jelige qalaı taralǵanyn anyqtaý kerek. Jaqynda ǵana is qozǵadyq, osy istiń aıasynda mán-jaıdyń bárin anyqtaımyz dep oılaımyn”, – deıdi İshki ister mınıstriniń ókili.