Úmitjan Aryqbekova Ortalyq komýnıkasıalar qyzmetiniń brıfıńi barysynda kıbermádenıetti qalyptastyrý boıynsha kóp qarjy bólinbeıtinin aıtady. Sózinshe, 2024 jyly 8 mıllıon teńge kıberhabarlandyrý deńgeıin esepteýge ǵana arnalǵan eken. 

"Biz jyl saıyn halyqtyń kıberhabarlandyrý deńgeıin ólsheımiz. Byltyr bul kórsetkish 80% bolǵan. Bıyl bul jumys júrgizilmedi. Sebebi bizge 8 mıllıon teńge bólingen, al jumys júrgizý úshin ótinish bildirgen kompanıalar bizdiń talaptarǵa saı kelmedi. Sondyqtan baıqaý áli júrip jatyr. Jyl sońyna deıin kıberhabarlamany esepteý boıynsha jumys isteıtin kompanıa tabylsa, 8 mıllıon teńgeni osy baǵytta jumsaımyz. Biraq komıtette kıberqaýipsizdik úshin arnaıy qarjy bólinbeıdi. Búdjet tek shtatqa arnalǵan", – dedi ol. 

Sonymen qatar Úmitjan Aryqbekova komıtettiń saıtyna jyl basynan beri nege tek eki aqparat jarıalanǵanyn da túsindirip berdi. 

"Bizde aqparattar tek saıtta ornalastyrylmaıy. Elektrondy úkimet portalynda habarlama joldaımyz, búgin-erteń barlyq azamat osy habarlamany alýy kerek. Saıtymyzǵa kóp adam kire qoımaıtyndyqtan, Instagram-daǵy paraqshalarda vıdeolar jarıalaımyz. Aldaǵy ýaqytta bul olqylyqty joıyp, saıtymyzǵa da jeke derekterdi qorǵaýǵa qatysty aqparattardy jarıalaımyz", – dedi ol tilshimizdiń saýalyna jaýap berý barysynda.