TARAZ. QazAqparat - Tarazda Qazaq handyǵynyń 550 jyldyǵyn toılaý kúnderi respýblıkalyq máni bar tarıhı eskertkish - «Ejelgi Taraz» arheologıalyq saıabaǵy ashyldy.
Saıabaq aýmaǵyna kireberiste arka, sondaı-aq barlaý munarasy, Dostyq úıi men kongres-holly bar etnomádenı ortalyq, etnografıalyq murajaı, «Taraz sazdary» stelasy, «Myńbulaq» skveri bar.
Alǵash ret kópshilik nazaryna Taraz qalashyǵyndaǵy arheologıalyq jumystar kezinde tabylǵan jádigerler usynyldy. Keshen qurylysynyń jalpy quny - 2,5 mlrd. teńge.
Keshenniń ashylý saltanatyna Memleket basshysy Nursultan Nazarbaev, QR Parlament Senaty men Májilis depýtattary, mınıstrler, ulttyq kompanıalar basshylary, qoǵam qaıratkerleri, shyǵarmashylyq zıaly qaýym men JOO ókilderi, ardagerler, oblystyq málıhat depýtattary qatysty.
«Artefaktiler qoıylǵan jańa mýzeıdi aralaý kezinde Prezıdenttiń qobaljyǵany baıqaldy, - dedi QazAqparat HAA tilshisimen suhbatynda «Ejelgi Taraz eskertkishteri» memlekettik tarıhı-mádenı qoryq-murajaıynyń dırektory, belgili jambyldyq tarıhshy Táken Moldaqynov. - Murajaıda Prezıdentti biz Astanadaǵy Ulttyq mýzeı dırektory Darhan Myńbaımen birge qarsy aldyq. Nursultan Ábishuly mýzeı terezesinen ejelgi qalashyqtyń qazylǵan oryndaryn baıqaǵan soń, ony kórýge túsedi dep tipten oılamaǵan edik».
T.Moldaqynovtyń sózinshe, Memleket basshysy Nursultan Nazarbaev qazbalardy kórip, túsindirmelerdi tyńdaǵan soń eshqandaı jazbasha, kitaptardaǵy sıpattaýlardyń ejelgi mádenıettiń bolǵanyna salmaqty dálel bola almaıtynyn aıtqan. Mine, naqty dálelder, degen N.Nazarbaev qazba nysandaryn kórsetip, bular bizdiń elimizdiń aýmaǵynda joǵary damyǵan qalalyq mádenıettiń bolǵanyn dáleldeıdi. Ǵylymı izdenisterdiń rastyǵynyń naqtylanýyn kórý bir ǵanıbet, dep qosty Prezıdent.
«Ejelgi Taraz» saıabaǵy oblystyń halyqaralyq týrısik brendine aınalady dep kútilýde, bul nysany EKSPO-2017 búkilálemdik kórmesiniń qonaqtary baratyn qalalar tizimine engen.
