Elordadaǵy jekemenshik kompanıalardyń birinde jumys isteıtin Beren Júsipova ǵalamtordy sharlap otyryp, qyzyqty kóriniske tap bolypty.
Jemis-jıdekti shokoladpen orap, daıyndaıtyn óndiristi kórgen ol «bizde nege osyny jasamasqa?» degen suraqqa baılandy da qaldy. Kúndiz-túni tynymsyz oılanǵan ol joldastarymen aqyldasa kele, ıdeıasyn qaǵazǵa túsirip, aınalasynan kómek suraıdy. Sol kezde Beren ata-anasynan Qazaqstanda óz isin bastaımyn deýshilerge kómek kórsetetin baǵdarlamalary bar «Damý» qoryn estip bilipti. Memlekettik qordyń Astana qalasy boıynsha aımaqtyq fılıalyna barǵan ol kásiptiń kózin ashýǵa birtaban jaqyndaı túsipti. 
– Ol bizge kelgen soń, keńes­shi­lermen aqyldasa otyryp, jemis-jıdekti shokoladqa orap jasaı­tyn sehty ashý úshin bıznes jos­par daıyndady, – deıdi keshe memlekettiń demeý qarjysymen ashylǵan kásiporyndardy jýrna­lısterge aralap kórsetken «Damý» qory Astana qalalyq fı­lıa­lynyń menedjeri Dana Táýip­baeva. – Qazir Berenniń ıdeıasy tolyqtaı júzege asty. Bilikti de tájirıbeli kondıterler jemis-jıdek pen shokoladtan ózderiniń aıryqsha buıymdaryn jasaýda, «Astana Mall» saýda oıyn-saýyq ortalyǵynda daıyn ónimdi satý da jolǵa qoıyldy. Shokolad qo­sylǵan jańa nemese qurǵatylǵan jemis-jıdekter óte dámdi bolyp shyqty. Beren alǵan nesıe qara­jatyna óndiristik sehqa qajetti shıkizat pen qural-jabdyqtar satyp aldy.
Iá, «CHOCO FRUITS» JK-nyń se­hy búginde Astananyń ortaly­ǵyn­da toqtaýsyz jumys istep, birneshe adamdy jumyspen qamtyp otyr. Al onyń jetekshisi Berenniń jasy –  ne­bári 29-da. «Damý» qorynyń sa­rap­shy­­lary maqsatty nesıeniń bir bó­li­gi tap osy otyzǵa tolmaǵan  jas­­­­­­­tarǵa arnalǵanyn aıtady. Olar­dyń túsindirýinshe, búgingi tańda qoǵam­nyń áleýmettik-demogra­fıalyq qurylymynda Qazaqstan jastary eń úlken áleýmettik top bolyp ta­bylady. Jasy 18 ben 29 jas ara­ly­ǵyndaǵy jas azamattar kate­go­rıasy memlekettiń barlyq halyq sanynyń 20 %-na teń. Ári bul top jańa tehno­lo­gıalardy qoldanýda óte belsendi. Elimizde kásipkerlerdiń qalyp­tasýy­nyń jańa tolqyny jaqsy qar­qynmen júrip jatqanyna osyn­daı mysaldardy kóldeneń tartýǵa bolady.
– Memleketke raqmet aıtamyn, «Damý» qorynyń qoldaýymen qıa­lymda ǵana júrgen ıdeıamdy shyn máninde iske asyrdym, – deıdi jas ká­sipker Beren Júsipova. – Óz za­man­dastaryma da qoryqpastan óz kásibin bastaýǵa keńes berer edim. Me­niń jańa jobam qazir aıaqqa tura bas­tady. Qaladaǵy birneshe núkteden satý oryndaryn ashtym. Endigi Asta­nadaǵy iri saýda ortalyqtarmen ke­lisimge kelip, satý kólemin ulǵaı­tý­dy kózdeımin. Sol sıaqty joǵary oqý oryndary men kınoteatrlar, ta­maqtandyrý jelisiniń jetek­shilerimen kelisimshart jasaýdy qarastyryp jatyrmyn. 
Kásipkerlikti damytýdyń mem­le­kettik baǵdarlamalary sheń­be­rinde qoldaý alǵan kelesi nysan – «Al­tyn uıa» balabaqshasy. Bir erek­­sheligi, munyń jetekshisi Danısa Orazıa da otyzǵa tolmaǵan. Danısa­nyń jańa jobany bastaýyna ómirlik qajettilik ıtermelegen eken. Kish­ken­taı qyzyn balabaqshaǵa orna­las­tyra almaı, esikterdi tozdyrǵan ol aqyrynda osyndaı oryndy ózi ashý­ǵa bel baılapty. Qazirgi kezde «Altyn uıa» balabaqshasynda 17 búl­dirshin tárbıelenip jatyr. Olarmen bilikti mamandar aınalysyp, ba­la­lardy qyzyqty oıyn túrinde qazaq, aǵylshyn tilderine, án, matematıka, logıka, shapshań oqýǵa úıretýde. 
Memlekettik baǵdarlamanyń arzan nesıe qarajatyn paıdalana oty­ryp, Danısa ǵımaratty bala-baq­shaǵa beıimdep, jóndeý ju­mys­taryn júrgizdi, sonymen birge qa­jetti qural-jabdyqtar men jıhaz sa­typ alǵan. Astanada mektepke deıin­ge bilim berý mekemelerine degen qajettilik kún artqan saıyn ósip keletindigin eskerseńiz, bala­baq­­sha qyzmetiniń árqashan da sura­nysqa ıe ekendigin ańǵarýǵa bolady.
«Damý» qory Astana qalalyq fı­lıalynyń menedjeri Dana Táýip­baevanyń túsindirýinshe, «Bız­nestiń jol kartasy – 2020» bıznesti qoldaý men damytýdyń biryńǵaı baǵ­darlamasy birneshe baǵyttar boıynsha júzege asyrylyp keledi. Onyń «Kásipkerlerdi salalyq qol­daý» baǵytyna saı Aımaqtyq úı­lestirý keńesimen Astana qalasynda 2015 jyly 12,6 mlrl teńgeni quraı­tyn 65 ótinish oń sheshimge ıe bolyp­ty. Al bıylǵy jyldyń ózinde isin júrgizýshi kásipkerlerge 1,96 mlrd teńge kóleminde sýbsıdıa tólengen. Jalpy, qarjylyq daǵdarys qos ók­peden qysqan saıyn tyǵyryqqa ti­relgen kásipkerler memlekettik qor­dyń kómegine jıi júginýde eken. Olardyń, shamamen, 60 paıyzdaıy qa­jet etilgen qarjylaı qoldaýdy alyp jatyr. 

Derekkóz: Aıqyn-aqparat