Almaty qalasynyń Jańa jyldyq shyrshasy Respýblıka saraıy aldyndaǵy Abaı alańyna ornatylady. Bul týraly «Qamshy» portaly almaty ákimdiginiń mádenıet basqarmasyna silteme jasap habarlaıdy.

Shyrshanyń ornatylatyn naqty ýaqyty áli belgisiz. Ákimdiktegiler sondaı-aq, qala aýdandarynda da jańajyldyq shyrshalar ornatylatynyn habarlady. Qalada jańa jyldy atap ótýge bıznes qurylymdary da jumyldyrylyp, úzdik bezendirýge baıqaý jarıalanbaq.

El Prezıdenti atynan ótetin shyrsha merekesi Almatyda 24 jeltoqsanda, qala ákiminiń shyrshasy 25 jeltoqsanda uıymdastyrylmaq. Qala ákiminiń shyrshasyna 1700 bala shaqyrylyp, olarǵa syı-syıapat jasaý úshin 22,85 mıllıon teńge qarajat qarastyrylyp otyr. Ákim shyrshasyn uıymdastyrýǵa 13,8 mıllıon teńge bólinbek. 200 bala qatysady dep josparlanyp otyrǵan Prezıdent shyrshasyna 16,35 mıllıon teńge qarastyrylǵan. Mádenıet basqarmasyndaǵylar jańa jyldyq shyrsha merekesine kásipkerlerdiń qatysýyna baılanysty merekelik búdjette taǵy ózgerister bolatynyn eskertken.