Aq altyndy aımaq Ońtústik Qazaqstan oblysy Maqtaaral aýdanynda bıyl 77 myń gektarǵa maqta, 28,2 myń gektarǵa baqsha, 3,5 myń gektarǵa túrli kókónister egildi.
 Budan bólek kartop, dándik júgeri, súrlemdik júgeri, kúrish, jońyshqa, bıdaı men arpa, kúnbaǵys, mash, jemis-jıdek, júzim egilgen. Baıqap otyrǵanymyzdaı, bir kezderi negizinen, maqta  sharýashylyǵyna mán beretin aımaq ýaqyttyń talabyna saı qazir daqyl túrlerin ártaraptandyrǵan. 
– Osy jyldyń 9 aıynda aýyl sha­rýashylyǵy boıynsha jalpy óndirilgen ónimniń kólemi  34 mlrd 716,8 mln teńgege jetti. Byltyrǵy osy merzimmen salys­tyrǵanda naqty kólem ındeksi 100,3 paıyzdy qurap otyr, – deıdi Maqtaaral aýdanynyń ákimi Jamantaı Beısenbaev myrza. – Jyl saıyn aýdanǵa qarasty 136,1 myń gektarǵa sýarmaly egistik jerdiń basym bóligine maqta daqyly egiledi. Turǵyn­dardyń ekonomıkalyq jáne áleýmettik jaǵdaılary alynǵan ónimniń kólemine jáne onyń naryqtaǵy baǵasyna baıla­nysty. 
Ótken jyly 86 myń gektar jerge maqta daqyly egilip, ortasha ónimdilik  gektaryna 25,6 sentnerdi qurap, barlyǵy 220,4 myń tonna ónim jınalsa, bıyl 77 myń ga jerge egilgen maqta daqylynan 180-190 myń tonna ónim alý josparlanyp otyr. Aýdan kóleminde ornalasqan 8 iri maqta óńdeý zaýyty men 4 kishi maqta óńdeý sehy jáne 142 maqta qabyldaý beketteri maqta shıkizatyn qabyldaýda. 
Aýdandaǵy iri, orta jáne shaǵyn 27 kásiporyn osy jyldyń 9 aıynda 6359 mln teńgege  ónerkásip ónimderin óndirdi. Ónerkásip óniminiń naqty kólem ındeksi – 104 paıyzǵa jetken. 2015 jyldyń 1 qazandaǵy jaǵdaıy boıynsha jumys isteıtin SHOB sýbektileriniń sany – 25168  birlikke jetip,  salada 32834 azamat jumyspen qamtylǵan. Óndirilgen ónim (taýar jáne qyzmet)  kólemi 41798  mln teńgeni qurap, búdjetke – 369,1 mln teńge aýdarylǵan. Kórsetkishterdiń barlyǵy ótken jylǵynyń tıisti deńgeıinen ósken. 
Atqarýshy bıliktiń mindetteriniń biri – shaǵyn bıznesti damytý, jumyssyzdyqtyń tómendeýine, naryqty otandyq taýarmen tolyqtyrýǵa múmkindik jasaýdyń sha­ralaryn qarastyrý. Osy oraıda aýdanda kásipkerlikke qyzmet kórsetý ortalyǵy ashylyp, kásipkerlerdi bıznes negizderine oqytýmen birge bıznes jobalar daıyndaýda, qujattaryn rásimdeýde, odan bólek býhgalterlik, salyqtyq esepter daıyndaý boıynsha qyzmetter kórsetýde.  2015 jyldyń 9 aıynda ortalyqqa kelgen 1,5 myńǵa jýyq  azamatqa tıisti qyzmetter tegin kórsetildi. 
«Údemeli ındýstrıaldy-ınnovasıalyq damý» memlekettik baǵdarlamasy aıasynda 2015 jyldyń 9 aıynda jańa tehno­logıa­lardy paıdalanǵan 925 mln teńgege 5 ın­vestısıalyq jobany  ÓÚK (óńirlik úılestirý keńesi) maquldap, Indýstrıaldy karta aıasynda iske asyrylýda. Baǵdarlama aıasynda bıylǵy jyldyń sońyna deıin 4 jobany iske qosyp,  80 jańa jumys ornyn ashý josparlanǵan.    
– Maqtaaral aýdanynyń 2015-2017 jyldarǵa arnalǵan ártaraptandyrý baǵdarlamasy aıasynda 10 myń tonna kókónis pen jemis saqtaýǵa arnalǵan 4 qoımany salý josparlanǵan bolsa, jyl sońyna deıin onyń ekeýi paıdalanýǵa berilmek. Búgingi tańda «Maqtaaral EkoProdýkt» JSHS syıymdylyǵy 3000 tonnalyq qoımanyń qurylysyn aıaqtap, osy qarasha aıynda paıdalanýǵa berý kózdelýde. «Erdeshov» JK 2000 tonnalyq qoımanyń qurylysyn júrgizýde, – deıdi aýdan basshysy Jamantaı Qanaıuly. – «Bıznestiń jol kartasy – 2020» baǵ­darlamasy aıasynda aýdanǵa ınvestısıa tartý jumystaryna asa kóńil bólinýde. Atalmysh baǵdarlamany  iske asyrý maqsatynda nasıhat toptary qurylyp, ár aýyl okrýginde semınarlar uıym­das­tyrylyp jáne aýdandaǵy kásip­kerlikti qoldaý ortalyǵynda baǵ­dar­la­manyń negizgi tetikterin kásipkerlerge túsindirý boıynsha oqý-semınarlary  turaqty júrgizilýde. Nátıjesinde, «Bız­nestiń jol kartasy – 2020» baǵdarlamasy  aıasynda  2015 jyldyń 9 aıynda naqty 12 jobanyń qujattary  qaralyp, ÓÚK-nyń sheshimimen maqul­dandy. 
Aýdanǵa 2015 jylǵy 9 aıdyń qory­tyndysymen jalpy 7844,9 mln teńge ınvestısıa tartylǵan bolsa, onyń  1715,7 mln teńgesi respýblıkalyq búdjetten, 3896,4 mln teńgesi  jergilikti búdjetten, al 2197,6 mln teńgesi kásiporyndarmen jeke sektordyń ınvestısıalary. Bul kórsetkish ótken jylǵymen salystyrǵanda 118,9 paıyzǵa artyp otyr. 
Aýdanda júrgizilip jatqan ártarap­tandyrý baǵdarlamasy kókónis, jemis-jıdek óniminiń kólemin arttyratyny sózsiz. Zamanaýı logıstıkasyz jemis-jıdek, baqsha, kókónis ónimderin sapaly túrde eksportqa shyǵarý múmkin emes. Osyǵan baılanysty sharýalardyń ónimin saqtap, ári qaraı satý úshin qolaıly jaǵdaı jasaý maqsatynda  aýdannyń kireberisindegi Azattyq aýylynan zamanaýı úlgidegi saýda logıstıkalyq ortalyǵynyń qurylysyna 9 gektar jer ýchaskesi rezervke alyndy. Logıs­tıka­lyq ortalyq aý­maǵynda zamanaýı kóterme-bólshek saýda ortalyǵynyń qury­lysy 2015-2017 jyldarǵa josparlanǵan.  Saýda logıs­tı­kalyq ortalyǵynda kezeńder boıynsha salynatyn nysandardy bekitil­gen is-shara josparyna sáıkes iske asyrýǵa nıet bildirgen 5 kásipkerdiń  ınvestısıalyq joba­la­ry qaralýda. 2 joba ÓÚK-nyń   sheshimi­men ma­quldanyp, iske asyrylýda. 

Derekkóz: Aıqyn-aqparat