Iran munaı jetkizilimine jańadan qol qoıylǵan kelisim-sharttar boıynsha esepti eýro valútasymen usynady, - dep habarlaıdy Reuters Irannyń ulttyq munaı kompanıasyndaǵy (NIOC) derekkózge silteme jasap. Onyń aıtýynsha, áńgime fransýzdyń Total, ıspandyq Cepsa munaı-hımıa korporasıasymen jáne LÝKOIL-dyń treıdıngtik bólimshesi - Litasco kompanıasymen kelisimder jóninde bolyp otyr.

«Biz ózimizdiń eseptemelerimizge munaıymyzdy satyp alýshylardyń jetkizilim sátindegi dollardyń aıyrbas baǵamymen eýromen tóleýge týra keletin pýnktti engizemiz», - dedi agenttik suhbattasýshysy.  .

Reuters LÝKOIL men Total túsindirme berýden bas tartqanyn, al, Cepsa túsindirme týraly saýalǵa jaýap bermegenin atap ótedi.

Iran sondaı-aq óziniń áriptesterine oǵan tıesili mıllıardtaǵan dollardy amerıkandyq valútamen emes, eýromen alǵysy keletinin aıtty.

Agenttik suhbattasýshysy el sanksıa jaǵdaıynda bolǵan kezde ırannyń Ortalyq banki sheteldik esep-qısapty eýromen júrgizý týraly sheshim qabyldaǵanyn aıtty. Derekkóz dollardan bas tartý saıası sebepterge baılanysty ekenin túsisndirdi.

Iranǵa buryn amerıkandyq sanksıalar nátıjesinde jabylǵan aktıvterdiń bir bóligin paıdalanýǵa ruqsat berilgen. Áńgime dollardaǵy emes, basqa valútalardaǵy, oman rıalyndaǵy jáne BAÁ dırhamyndaǵy qarajattar jóninde bolyp otyrǵanyn atap ótedi Reuters. Vashıngton jabylǵan aktıvterdiń jalpy somasyn 100 mlrd. dollarǵa (89,2 mlrd. eýro) baǵalap otyr, Tegeran sanksıa alynyp tastalǵannan keıin shamamen jartysyn alýǵa qol jetkizdi.

Iran kóp jyldardan beri munaı saýdasynda halyqaralyq esep aıyrysýlarda dollardyń ornyna eýrony paıdalanýdy jaqtap keledi. 2007 jyly Tegeran OPEK boıynsha áriptesterin dollardan bas tartýǵa kóndirýge tyrysty, sol kezdegi Iran prezıdenti Mahmud Ahmadınejad dollardy «paıdasyz qaǵazdar» dep atady.