حالىق بانكى قازكومنىڭ اكسياسىن ساتىپ الدى. ەندى كليەنتتەر ءۇشىن نە وزگەرمەك؟ بۇل جايىندا حالىق بانكتىڭ باسشىلىعى ايتىپ بەردى.

حالىق بانكى قازكوم اكسياسىنىڭ 96،81%-ىن ساتىپ الدى. بۇدان بۇرىن بتا بانكى قازكومعا 2،4 ترلن تەڭگە كولەمىندەگى قارىزىن قايتارعان. ونىڭ ۇستىنە، قازكومدا 185 ملرد تەڭگە كولەمىندەگى كاپيتال ءوسىمى جوسپارلانعان.

اتالمىش كەلىسىم ەكى بانكتىڭ كليەنتتەرى ءۇشىن قانداي وزگەرىستەر الىپ كەلمەك، شارتتارى مەن دەپوزيتتەرى نە بولماق، قانداي قىزمەتتەر ۇسىنىلماق؟ Informburo.kz پورتالىنىڭ مالىمەتىنە سۇيەنە وتىرىپ، قامشى اقپارات اگەنتتىگى وقىرمان نازارىنا ۇسىنادى. 

قازكوم جەكە جۇمىس ىستەيتىن بولادى

كليەنتتەر اراسىنداعى ەڭ ماڭىزدى سۇراق: قازكوم ەندى بولماي ما الدە ءوزىنىڭ بۇرىنعى اتىمەن جۇمىسىن جالعاستىرا ما؟ ق ر ۇلتتىق بانكىنىڭ باسپا ءسوز قىزمەتىندە حابارلانعانداي، «كەلىسىم جاسالعان سوڭ ەكى بانك وزىندىك قارجىلىق ينستيتۋت رەتىندە جۇمىستارىن جالعاستىراتىن بولادى. سالىمشىلارىنىڭ، نەسيە بەرۋشىلەرىنىڭ، ينۆەستورلارىنىڭ الدىندا ءوز مىندەتتەرىن ءبۇرىنعىشا جالعاسىتاردى». ياعني، ءار بانك ءوز برەندىن ساقتاپ، سول قالپىندا جۇمىس جاسايدى.

بانكتىك كارتوچكالار جايلى...

ەكى بانكتىڭ دە قاراپايىم كليەنتتەرىن قارجى نارىعىنداعى ءىرى ويىنشىلاردىڭ مۇددەلەرى قىزىقتىرادى، اقشالىرنا نە بولاتىنى تولعاندىرادى. بىردەن مىناداي سۇراق تۋىنداۋى مۇمكىن: ۇيرەنشىكتى پلاستيكالىق كارتوچكانى جاڭاسىنا اۋىستىرۋ كەرەك پە؟ جاۋابى: جوق. «قازاقستان حالىق بانكى» اق باسشىسىنىڭ ورىنباسارى قازكومنىڭ ساتىلعانى كليەنتتەرگە زيانىن تيگىزبەيتىنىن ەسكەرتتى.كارتوچكا ماسەلەسى بويىنشا دا، دەپوزيتتەرى تۇرعىسىنان دا.

«قازكومنىڭ قىزمەتتەرى ساقتالادى. شوتتاعى اقشا كەز-كەلگەن ۋاقىتتا جارامدى. قازكوم جەكە ينتستيتۋت رەتىندە دەپوزيتتىك ساياساتىن جالعاستىراتىن بولادى. ەستەرىڭىزگە سالامىن، حالىق بانك پەن قازكوم نارىقتاعى كوشباسشىلار».

ونلاين-بانكينگ ساقتالا ما؟

سونداي-اق كليەنتتەردى مازالايتىن كەزەكتى سۇراق: ونلاين-بانكينگكە بايلانىستى وزگەرىستەر. حالىق بانكتىڭ مالىمدەمەسىنە سايكەس، بۇل تۇرعىدان دا قىزمەت كورسەتۋ بۇرىنعى قالپىندا قالادى.

«ونلاين-بانكينگتىڭ ەكى جۇيەسى – homebank جانە myhalyk – كليەنتتەرى ءۇشىن قالىپتى رەجيمدە قىزمەتىن جالعاستىرادى»، - دەپ ءتۇسىندىردى حالىق بانكىنىڭ وكىلى.

نەسيەنى قايتا قۇرىلىمداۋ قاجەت پە؟

ءوز كەزەگىندە، بتا بانكتەن نەسيە العاندار قازكومعا كوشكەن ساتتە نەسيەلەرىن دە قوسا اۋدارعان. ءارى بۇل پروسەس ۇزاق جانە قيىن بولدى. ءتىپتى كەيبىرى ءالى كۇنگە دەيىن اۋدارىپ بىتپەگەن كورىنەدى. ال ەندىگى وزگەرىستەرگە سايكەس حالىق بانكى ەش ۋايىمداۋىدڭ قاجەتى جوق ەكەنىن ءمالىم ەتتى.

«قازكوم كليەنتتەرى ۋايىمدايتىنداي ەشتەڭە جوق. نەسيەنى حالىق بانكىنە اۋىستىرۋ جونىندە جوسپار قۇرىلماعان. بۇل كەلىسىمدى بتا مەن قازكومنىڭ كەلىسىمىمەن سالىستىرۋعا كەلمەيدى. ول كەزدە ەكى بانكتى كەزەڭ بويىنشا بىرتىندەپ بىرىكتىرگەن – بانكوماتتارى مەن بولىمشەلەرى، ءونىم جەلىلەرى، تۇتىنۋشى نەگىزدەرى»، - دەپ ءتۇسىندىردى مارات المەنوۆ.

حالىق بانك نە سەبەپتى قازكومدى ساتىپ الدى؟

ءبىر جاعىنان، بۇل كەلىسىم ەلدىڭ قارجىلىق جۇيەسىن رەتكە كەلتىرىپ، بەرىك ەتەدى. ەكىنشى جاعىنان، قارجى نارىعىنداعى ويىنشىلاردىڭ سانىن، سونداي-اق باسەكەلەستىكتى قىسقارتادى.

ەكونوميست ايدارحان قۇسايىنوۆ ەكى بانكتىڭ كەلىسىمىن كوممەرسيالىق دەپ باعالادى.

«مەنىڭ ويىمشا، بۇل كەلىسىم – نارىقتىق. كەلىسىمنىڭ شارتى – بتا اكتيۆتەرىندەگى پروبلەمالىق نەسيەلەر قورىن ساتىپ الۋ. بتا قازكوم الدىنداعى 2،4 تريلليون تەڭگە كولەمىندەگى قارىزىن وتەۋ كەرەك»، - دەپ پىكىر بىلدىرگەن ايدرحان قۇسايىنوۆ.

ەكونوميستىڭ پىكىرىنشە، اتالمىش كەلىسىم ارقىلى بانكتىك جۇيە نىعايادى.

اۋدارعان: گۇلىم جاقان