ماسكەۋ تۇرعىنىنا «كامەلەت جاسقا تولماعان بالاعا سەكسۋالدى زورلىق كورسەتتى» دەگەن ايىپ تاعىلدى، دەپ حابارلايدى قامشى اقپاراتتىق اگەنتتىگى نتۆ ارناسىنا سىلتەمە جاساپ.
دەرەكتەرگە سايكەس، 2007 جىلى شىلدە ايىندا ەر ادام 9 جاستاعى بالامەن تانىسىپ، بىرگە تۇرايىق دەگەن ۇسىنىس ايتقان. ول بالا كەلىسىپ، ۇيىنەن كەتىپ قالعان.
«قىلمىسكەر بىرنەشە جىلدار بويى بالانى دالاعا شىعارماي، باسقا ادامداردان تىعىپ ۇستاعان. بالانىڭ دارمەنسىزدىگىن پايدالانىپ، ەر ادام وعان سەكسۋالدى زورلىق كورسەتكەن»، - دەيدى قۇزىرلى ورگاندار.
2007 جىلى بالانىڭ جوعالعانىنا قاتىستى قىلمىستىق ءىس قوزعالىپ، فەدەرالدى ىزدەۋ جۇمىستارى جۇرگىزىلگەن بولاتىن. ناتيجەسىندە، بالانىڭ قايدا ەكەندىگى انىقتالىپ، كامەلەت جاسقا تولماعان بالاعا زورلىق كورسەتكەن پەدوفيل قولعا ءتۇستى. تەرگەۋشىلەردىڭ ايتۋىنشا، قىلمىسكەر ءوز كىناسىن مويىنداپ، جاساعان قىلمىسىن ايتىپ بەرگەن.
بەلگىلى بولعانداي، قىلمىسكەر 2001 جىلى دا وسىنداي ايىپپەن سوتتى بولعان ەكەن. قازىرگى تاڭدا بالانىڭ تۋىستارى ىزدەستىرىلىپ، پەدوفيلدىڭ باسقا دا قىلمىستارعا قاتىسى بار-جوق ەكەندىگى انىقتالۋدا.
