ورتالىق كوممۋنيكاسيالار قىزمەتىندە وتكەن باسپاسوز-كونفەرەنسياسىندا ىشكى ىستەر مينيسترلىگى توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ شىعىس قازاقستان وبلىسىنداعى جاعدايدى بايانداپ بەردى دەپ حابارلايدى Qamshy.kz اقپارات اگەنتتىگى.    

17 شىلدە كۇنى شىعىس قازاقستان وبلىسىنداعى كۇشەيتىلگەن جەلدىڭ سالدارىنان 5 ادام زارداپ شەككەن. «كازگيدرومەتتىڭ مالىمەتىنە سايكەس، سول تاۋلىكتە جەلدىڭ ەكپىنى سەكۋندىنا 15-20 مەتردى قۇراپ، جاۋىن-شاشىن كۇتىلۋدە دەگەن اقپارات تاراتىلعان. الايدا تابيعاتتىڭ توسىن مىنەزى بولجامعا باعىنباي، جەلدىڭ ەكپىنى سەكۋندىنا 35 مەتردى قۇراعان. زارداپ شەككەن 5 ادامنىڭ ۇشەۋى ءتۇرلى جاراقاتپەن اۋرۋحاناعا جەتكىزىلدى. ەكەۋى مەديسينا قىزمەتكەرلەرىنە قارالىپ، ۇيلەرىنە جىبەرىلدى. توتەنشە جاعداي وسكەمەن قالاسى جانە قالاعا جاقىن ءۇش اۋداندا ورىن العان. ولاردىڭ ىشىندە ۇلان اۋدانى مەن گلۋبوكوۆسكوە جانە جەرگىلىكتى اۋىلدارى بار»،- دەدى ىشكى ىستەر مينيسترلىگى توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ.

تابيعات قۇبىلىسى قايتالانعان جاعدايدا ق ر ءىىم توتەنشە جاعدايلار كوميتەتىنىڭ قۇتقارۋ قىزمەتى رەسپۋبليكا بويىنشا جۇمىس ىستەيدى. شقو تابيعات سالدارىنان زارداب شەككەندەرگە اكىمشىلىك تاراپىنان كومەك قاراستىرىلۋدا.