EXPO — 2017 Astana ۇلتتىق كورمەسى اياسىندا جولاۋشىلار تاسىمالى قىزمەتىن جاقسارتا ءتۇسۋ ءۇشىن جولاۋشىلار ۆاگوندارى جاڭارتىلۋدا دەپ جازادى Qamshy.kz.

2016 جىلى تەمىرجول جولاۋشىلار تاسىمالىن مەملەكەتتىك سۋبسيديالاۋ مەحانيزمىن وزگەرتۋدى كوزدەيتىن قازاقستان رەسپۋبليكاسىنىڭ زاڭى قابىلدانىپ، جولاۋشىلار ۆاگوندارى پاركىن جاڭارتۋعا ينۆەستيسيالار تارتۋعا زاڭنامالىق نەگىز پايدا بولدى.

ياعني جاڭا شارتتار بويىنشا جاساسقان قارجىلاندىرۋ كەلىسىمشارتتارىنا سايكەس اعىمداعى جىلدان باستاپ تاسىمالداۋشىلارمەن الەۋمەتتىك ماڭىزى بار باعىتتارعا جاڭا جولاۋشىلار ۆاگوندارىن دەڭگەيلى ساتىپ الۋ جۇمىستارى جۇرگىزىلەدى.

اتاپ ايتقاندا، №75/76 قىزىلوردا – پەتروپاۆل باعىتىنداعى پوەزد قۇرامى 56%-عا نەمەسە 13 رەسەيلىك پلاسكارت ۆاگوندارىمەن جاڭارتىلدى.

سونىمەن قاتار، № 621/622 قوستاناي – ارقالىق جانە № 327/328 قوستاناي – قاراعاندى باعىتتارىنداعى پوەزدار قۇرامىندا ءجۇرىپ تۇراتىن جولاۋشىلار ۆاگوندارى پاركىنىڭ 50% نەمەسە 12 بىرلىگى جاڭارتىلدى.

جاڭارتۋ ءىس-شارالارى ەرتەرەكتە جولاۋشىلار تاراپىنان كوپتەگەن شاعىمدار تۇسكەن № 43/44 قوستاناي – الماتى باعىتىنداعى پوەزىندا قاراستىرىلعان. ياعني، پوەزد قۇرامى 14 پلاسكارت ۆاگوندارىمەن جاڭارتىلعان جانە 2017 جىلدىڭ اياعىنا دەيىن تاعى 6 جاڭا ۆاگونمەن تولىقتىرىلاتىن بولادى.

سونىمەن بىرگە، № 307/308 استانا – جەزقازعان جانە № 55/56 كوكشەتاۋ – قىزىلوردا باعىتتارىنداعى پوەزدار قۇرامدارىن 10 كۋپە جانە پلاسكارت ۆاگوندارىمەن ءىشىنارا جاڭارتۋ كۇتىلۋدە.

جاڭا ۆاگوندار قاداعالاۋ، دياگنوستيكا جانە ۆاگوندى باسقارۋ جۇيەسىمەن، اۋا سالقىنداتقىشپەن، ۆاكۋۋمدىق بيو دارەتحانالارمەن، ءورت ءسوندىرۋ جۇيەسىمەن، توڭازىتقىش جانە ميكروتولقىندى پەشپەن جابدىقتالعان. سونىمەن قاتار جولاۋشىلاردىڭ ىڭعايلىلىعى ءۇشىن جەكە ەلەكتر قۋاتتاعىش كوزدەرى قاراستىرىلعان.

جولاۋشىلار ۆاگوندارىن كەزەڭدى جاڭارتۋ شارالارى الداعى جىلدارى جالعاساتىن بولادى. بۇل ءوز كەزەگىندە قازاقستاندىق جولاۋشى ۆاگوندارى پاركىنىڭ توزۋ دەڭگەيىن تومەندەتۋگە جانە حالىققا تەمىرجول كولىگىمەن قولايلى ءجۇرىپ-تۇرۋىنا مۇمكىندىك بەرەدى.