ءبىرىنشى ورتا سالماق دارەجەسى بويىنشا الەمنىڭ ەكس-چەمپيونى 33 جاستاعى رەسەيلىك رۋسلان پروۆودنيكوۆ ەسىمدى كاسىپقوي بوكسشى الداعى ۋاقىتتا بولاتىن گەنناديي گولوۆكين مەن ساۋل الۆارەستىڭ جەكپە-جەگىنە قاتىستى ءوز پىكىرىن ءبىلدىردى. ەستەرىڭىزگە سالا كەتسەك، جەكپە-جەك اعىمداعى جىلدىڭ 16 قىركۇيەگىندە لاس-ۆەگاستا وتەدى، دەپ حابارلايدى Qamshy.kz اقپارات اگەنتتىگى Allboxing.ru سايتىنا سىلتەمە جاساپ.

«مەنىڭ ويىمشا، بۇل وتە قىزىقتى جەكپە-جەك بولادى، بوكس الەمىنە جەتپەي جۇرگەن جەكپە-جەك. الەمدىك جۇلدىز كانەلو مەنىڭ پايىمداۋىمداعى ەڭ كەرەمەت بوكسشىعا قارسى شىعىپ وتىر. الدىن الا بولجاۋ جاساۋ – ۇلكەن قاتەلىك جانە دە مەن ونداي نارسەلەرگە ۇنەمى قارسى بولامىن. الايدا، مەنىڭ ءوز پىكىرىم بار جانە دە ول گەننادييدىڭ سوڭعى جەكپە-جەگىنەن كەيىن دە وزگەرگەن جوق. گەنناديي گولوۆكيندى سوققىعا جىعاتىن بوكسشى ءالى تۋىلعان جوق. كانەلو وتە مىقتى بوكسشى جانە ول ءوز ءىسىنىڭ شەبەرى، دەگەنمەن، گەنا ءبارىبىر ودان باسىم ءتۇسىپ وتىر دەگىم كەلەدى. بالكىم گەنانىڭ جىلدامدىعى كانەلوعا جەتپەيتىن شىعار، الايدا بۇل جەكپە-جەكتىڭ ناتيجەسى كانەلونىڭ سوققىسى قانشالىقتى مىقتى بولعاندىعىنا جانە دە گەنانىڭ سوققىلارىنا قانشا ۋاقىتقا دەيىن توتەپ بەرۋىنە بايلانىستى بولعالى تۇر. رينگتە ماعان قارسى شىققان سپورتشىلار مەنىڭ بىر-ەكى سوققىمنان سوڭ دەرەۋ ەستەرىن جيناپ الىپ، كاسىپقوي «بوكسشىعا» اينالا كەتەتىن. مەن ۇنەمى «جەكپە-جەك كورسەتەدى» دەپ ايتىپ جۇرەمىن، دەگەنمەن گەناعا تولىقتاي سەنىم بىلدىرەمىن جانە قولدايمىن»، - دەيدى كاسىپقوي بوكسشى.

اۋدارعان: نازەركە لابيحان