«تۇركىستان - تۇركى الەمىنىڭ مادەني استاناسى» جىلى اياسىنداعى حح-شى تۇركسوي ۇيىمىنا مۇشە ەلدەر سۋرەتشىلەرى پلەنەرى كيەلى تۇركىستان قالاسىنا كەلدى دەپ حابارلايدى Qamshy.kz اقپارات اگەنتتىگى.
قىلقالام شەبەرلەرى «ازىرەت سۇلتان» مەملەكەتتىك تاريحي-مادەني قورىق مۋزەيى قوجا احمەت ياساۋي كەسەنەسى ماڭىندا كەنەپ بەتىندە مايلى بوۋيامەن سالىنعان كەسكىندەمەلىك 28 ەتيۋدتىك جۇمىستار جاساپ شىقتى.
تۇركيا، تۇركىمەنستان، وزبەكستان، قىرعىزستان، رەسەي، ۋكراينا، بولگاريا، مولداۆيا ەلدەرىنەن 17 سۋرەتشى، ال ەلىمىزدەن استانا، الماتى، پاۆلودار، شىمكەنت قالالارىنان 13 كاسىبي سۋرەتشىلەر بار.
سۋرەتتەر وقو مادەنيەت باسقارماسى پاراقشاسىنان الىندى
