ول فوتوسۋرەتتەر نەسىمەن قۇندى؟ كۇندەلىكتى كورىپ جۇرگەن ميلليونداعان سەلفي مەن جانۋارلاردىڭ، ادامداردىڭ سۋرەتتەرىنەن ايىرماشىلىعى قانداي؟ ول فوتوسۋرەتتەردى سونداي جوعارى دەڭگەيدە باعالاۋدىڭ سەبەبى قانداي؟

ەندەشە، نازارلارىڭىزعا الەمدەگى ەڭ قىمبات فوتوسۋرەتتەردى ۇسىنامىز.

1. پيتەر ليكوم: «فانتوم» ($6،5 ملن)

1999 جىلى پيتەر ليك تۇسىرگەن فوتوسۋرەتتىڭ اتاۋى – «فانتوم». ونىڭ قۇنى  6،5 (!) ميلليون دوللار. بۇل بۇگىنگى تاڭداعى الەمدەگى ەڭ قىمبات فوتوسۋرەت. پيتەر ليك مۇنى اريزونا شتاتىنداعى انتيلوپا شاتقالىندا جۇرگەندە تۇسىرگەن ەكەن.

2. اندرەاس گۋرسكي: «رەين-II» ($4،33 ملن.)

بۇل فوتوسۋرەت عالامتور جەلىسىن شارلاپ كەتكەلى قاي زامان. اۆتورى: اندرەاس گۋرسكي ەسىمدى نەمىس ازاماتى. 1999 جىلى تۇسىرىلگەن سۋرەتتىڭ اتاۋى – «رەين-II». فوتوسۋرەتتىڭ قۇنى – 4 338 مىڭ دوللار. گۋرسكي — اتاقتى فوتوسۋرەتشى. ونىڭ توپتاماسىندا ميلليون دوللارعا ساتىلعان بىرنەشە سۋرەتى بار.

سۋرەتتە بوگەتتەر اراسىنداعى نەمىستىڭ رەين وزەنىنىڭ جاڭبىرلى كۇنگى بەينەسى. ءبىرىنشى نۇسقاسىندا ەلەكترستانسيا، ءوتىپ بارا جاتقان ادامدار، يت بولعان. اۆتور ونىڭ ءبارىن فوتوشوپپەن الىپ تاستاعان. بۇل «رەين» توپتاماسىنداعى سۋرەتتەردىڭ ءبىرى عانا.

فوتوسۋرەت 2011 جىلى Christie’s اۋكسيونىندا ساتىلدى. ەڭ العاشقى ساتىپ الۋشى كەلن گالەرەياسىنىڭ قوجايىنى مونيكا شپريۋت بولعان. كەيىن ونى بەلگىسىز كوللەكسيا جيناۋشىنىڭ قولىنا وتكەن.

3. سيندي شەرمان: «№ 96» ($3،89 ملن.)

امەريكانىڭ ادەتتەگىدەن تىس ەرەكشە فوتوسۋرەتشىسى سيندي شەرماننىڭ بۇل جۇمىسى قويىلىمدىق سۋرەت تۇرىندە تۇسىرىلگەن. اۆتوردىڭ قىمباتقا باعالانىپ، كەڭ تارالعاە سۋرەتى 1981 جىلى تۇسىرىلگەن. اتاۋى – № 96. فوتوسۋرەتتى 3 890 مىڭ دوللارعا ساتقان. سۋرەتتە اققۇبا قىز: جيرەن شاشتى، سەكپىلى بار، سارعىلت كيىممەن.  ءجاسوسپىرىمنىڭ قولىندا تانىسۋ تۋرالى حابارلاندىرۋ جازىلعان گازەت قيىندىسىن ۇستاپ جاتىر. سۋرەت  2011 جىلى Christie’s اۋكسيونىندا ساتىلعان.

4. گيلبەرت پروش پەن دجوردج پاسسمور: اسا مارتەبەلى حانىمعا ($3،765 ملن)

بريتاندىق سۋرەتشىلەر: گيلبەرت پروش پەن دجوردج پاسسمور پەرفومانس-سۋرەت جانرىندا جۇمىس جاساعان. كوللاجدارىندا ءار ادام سۋرەتشى، ءال ونىڭ ءومىرى ونەر تۋىندىسى دەگەن ماعىنانى بىلدىرەتىن بولاشاقتىڭ الەۋمەتتىك بەينەسىن كورسەتۋگە تىرىسقان.

5. دجەفف ۋولل: «ولگەن جاۋىنگەرلەر سويلەيدى» ($3،66 ملن.)

«ولگەن جاۋىنگەرلەر سويلەيدى» —  دەگەن اتاۋ العان فوتوسۋرەر، شىنىن ايتقاندا، فوتوسۋرەت ەمەس. ول دجەفف ۋوللدىڭ اسقان شەبەرلىگىمەن جاساعان كوللاجى. سۋرەتتى 1992 جىلى اۋكسيوندا 3 666 500 دوللارعا ساتىلعان. ءبىر قاراعاندا شىنايى سياقتى كورىنەدى. ءبىراق ول قويىلىم. سۋرەتتىڭ جەلىسى 1986 جىلعى اۋعانستانداعى سوعىستى بەينەلەيدى. اكتەرلەردى جاۋىنگەرلەردەي كيىندىرىپ، دجەفف ۋوللدىڭ ستۋدياسىندا سۋرەتكە ءتۇسىرىپ، كەيىن فوتورەداكتور ارقىلى وڭدەگەن. 

6. ريچارد پرينس: «كوۆبوي» ($3،4 ملن.)

2001–2002 جىلدارى ريچارد پرينس Marlboro ءۇشىن فوتوسۋرەت ءتۇسىرىپ، وعان «كوۆبوي» دەگەن اتاۋ بەردى. 2007 جىلى «كوۆبويدى» Christie’s اۋكسيونىندا 3،4 ميلليون دوللارعا ساتتى.

7. اندرەاس گۋرسكي: «99 سەنت» ($3،34 ملن.)

اندرەاس گۋرسكيدىڭ «99 سەنت —II» سۋرەتى 2001 جىلى تۇسىرىلگەن. سۋرەت «99 سەنت» دۇكەنىنىڭ ءبىر كۇنىن كورسەتەدى. سۋرەتتىڭ ايگىلى بولىپ كەتكەن سەبەبىنىڭ ءبىرى، تاۋاردى رەتتەستىرۋ جاعىنان سۋرەتتىڭ ءستيلى پەرفەكسيونيزمگە تىم جاقىن ءارى سۇرانىستىڭ جوعارى ەكەندىگىن كورسەتىپ تۇرعاندىعى بولسا كەرەك. «99 سەنت —II» فوتوسۋرەتىن كوللەكسيا جيناۋشى ادام 3 346 456 دوللارعا ساتىپ العان.

8. اندرەاس گۋرسكي: «چيكاگو ساۋدا پالاتاسى —III» ($2،35 ملن.)

اندرەاس گۋرسكيدىڭ 2 355 597 دوللارعا ساتىلعان اتاقتى سۋرەتتەرىنىڭ ءبىرى – «چيكاگو ساۋدا پالاتاسى—III» دەپ اتالادى. ول 1999 -2009 جىلدار ارالىعىندا تۇسىرىلگەن. بۇل سۋرەتتى تۇسىرۋگە رۇقسات بەرىلگەن. ۇلكەن كولەمدى (شامامەن 185 ×240 سم) سۋرەت چيكاگو ساۋدا پالاتاسىنىڭ جۇمىس كۇندەرىنىڭ ءبىرىن كورسەتەدى. ەگەر سۋرەتت ۇلعايتىپ قاراسا، قىزمەتكەرلەردى، كومپيۋتەرلەردى، ءتىپتى كيىمدەرىن دە انىق كورۋگە بولادى.  سۋرەت 2013  جىلى ەكى ميلليوننان دا كوپ اقشاعا ساتىلدى.

9. ەدۆارد شتايحەن: «اي نۇرىنا شومىلعان توعان» ($3 ملن.)

ەدۆارد شتايحەننىڭ بۇل سۋرەتى  تەرەڭ ماعىناعا نەمەسە ەرەكشە تاڭعاجايىپقا يە. ونىڭ ەرەكشەلىگى مەن باعاسىنىڭ قۇندىلىعى مىنادا  — «اي نۇرىنا شومىلعان توعان» سۋرەتى فوتوونەر تاريحىنداعى ەڭ العاشقى تۇندە تۇسىرىلگەن ءتۇرلى-تۇستى سۋرەت. شتايحەن ونى 1904 جىلى تۇسىرگەن. بۇگىندە ونىڭ قۇنى 3 ميلليون دوللار.

10. سيندي شەرمان: № 48 ($2،965، ملن.)

سيندي شەرمان سۋرەتى تۋرالى: «بويجەتكەننىڭ كەلبەتى كورىنبەيتىندىكتەن، بۇل سۋرەت ەرەكشە بولىپ تۇرعان شىعار. ول كورەرمەنگە تەرىس قاراپ تۇر. سوندىقتان، اركىم ونىڭ ءجۇزىن ءارتۇرلى ەلەستەتەدى» - دەيدى.  

11. سيندي شەرمان: «№ 153» ($2،7 ملن.)

سيندي شەرماننىڭ 1985 جىلى تۇسىرىلگەن № 153  سۋرەتى — حيچكوك ستيلىندەگى فيلم كادرى ەمەس. سۋرەتشى-پەرفومانسيستتىڭ بۇل ەرەكشە سۋرەتى 2010 جىلى 2 700 مىڭ دوللارعا ساتىلعان.

12. نيۋ-مەكسيكالىق فورت سامنەر : «بيللي كيد» ($2،3 ملن.)

بيللي كيد دەگەن نيۋ-مەكسيكالىق فورت سامنەردىڭ ءدال ءوزى. ول بۇگىنگە دەيىن ساقتالعان تەك وسى سۋرەتى ارقىلى عانا تانىمال. سۋرەت شامامەن  1879–1880 جىلدارى تۇسىرىلگەن. بۇل ەرەكشە سۋرەتتى بەيتانىس توپتاما جيناۋشى بىرنەشە جىل بۇرىن  2،3 ميلليون دوللارعا ساتىپ العان.

13. دميتريي مەدۆەديەۆ: «توبىل كرەملى» ($1،7 ملن.)

«توبىل كرەملى» قايىرىمدىلىق ماقساتتان ۇيىمداستىرىلعان «روجدەستۆولىق ازبۋكا» اۋكسيونىندا بىردەن ساتىلىپ كەتتى. جۇمىستىڭ قۇنى رەسەي باعامى بويىنشا — 51 ملن رۋب. (2009 جىلى كۋرس باعامى بويىنشا  $1،7 ملن). سۋرەتتىڭ ەرەكشەلىگى اۆتورىنىڭ كىم ەكەندىگىندە. بۇل سۋرەتتى 2009 جىلى رەسەيدىڭ بۇرىنعى پرەزيدەنتى دميتريي مەدۆەديەۆ ەكسكۋرسيا سامعاۋ كوكتەن، تىم بيىكتەن تۇسىرگەن.  

14. الفرەد ستيگليس: «دجوردجيا و’كيف» ($1،47 ملن.)

1919 جىلى الفرەد ستيگليس سۋرەتشى دجوردجيي و’كيفتىڭ شابىتتانىپ تۇرعانداي اسەر قالدىراتىن ادەمى قولىن سۋرەتكە تۇسىرگەن.  «دجوردجيا و’كيف» سۋرەتى 2006 جىلى قىستا نيۋ-يوركتىڭ Sotheby’s اۋكسيونىندا 1 470 مىڭ دوللارعا ساتىلعان.