ساراپشىلار دۇرىس تاماقتانباۋدىڭ سالدارىنان ءولىم سانى ارتقان ەلدەردى اتادى. قازاقستان العاشقى وندىققا ەندى دەپ حابارلايدى Qamshy.kz اقپارات اگەنتتىگى Daily Mail سايتىنا سىلتەمە جاساپ. 

يەندەگى فريدريح شيللەر اتىنداعى نەمىس جوعارى وقۋ ورنىنىڭ عالىمدارى 1990 جىلدان باستاپ 2016 جىلعا دەيىنگى ارالىقتا زەرتتەۋ جۇرگىزگەن. ناتيجەسىندە، ولىمگە دۋشار ەتەتىن ەڭ زياندى تاعام ونىمدەرىن تۇتىناتىن - تمد ەلدەرى بولىپ شىققان. 

بۇل كورسەتكىشتە وزبەكستان كوش باستاپ تۇر. ناشار تاماقتانۋدىڭ سالدارىنان بۇل ەلدە ءولىم كورسەتكىشى 100 مىڭ تۇرعىنعا شاققاندا 394 ادام بولىپ شىققان.

ەكىنشى ورىندا تۇركمەنستان - 376 ادام.

قىرعىزستان ءۇشىنشى ورىنعا جايعاستى. مۇندا – 350 ادام ءولىمى تىركەلگەن.

تىزىمدە ارى قاراي ۋكراينا، مولداۆيا، ازەربايجان، تاجىكستان.

الدىڭعى وندىقتىڭ توعىزىنشى ورنىندا قازاقستان تۇر. ەلىمىزدە 100 مىڭ تۇرعىنعا شاققاندا 306 ادام ءولىمى تىركەلگەن. 

العاشقى وندىقتى رەسەي جابادى. 

ساراپشىلاردىڭ پىكىرىنشە، ەڭ جاقسى تاماقتاناتىن يسپانيا، يزرايل ەلدەرى ەكەن.