سارا نازاربايەۆا ءقازىر پرەزيدەنت اكىمشىلىگىندەگى مەديسينالىق ورتالىعىنىڭ ۇلتتىق گوسپيتالىندە ەم قابىلداپ جاتىر.
ۇلتتىق گوسپيتال بارلىق مەديسينالىق شارالار بەكىتىلگەن ستاندارتتارعا سايكەس جانە بىلىكتى مامانداردىڭ باقىلاۋىندا جۇرگىزىلىپ جاتقانىن حابارلادى.
سونىمەن قاتار مەكەمە اكىمشىلىگى قازىرگى زاڭناماعا سايكەس، پاسيەنتتىڭ دياگنوزى، دەنساۋلىق جاعدايى، ەمدەۋ ادىستەرى مەن ناتيجەلەرى مەديسينالىق قۇپيا بولىپ سانالاتىنىن اتاپ ءوتتى. بۇل مالىمەتتەر تەك ناۋقاستىڭ كەلىسىمىمەن نەمەسە زاڭدا كوزدەلگەن نەگىزدەر بويىنشا عانا جاريا ەتىلەدى.
"مەديسينالىق ەتيكا قاعيداتتارى مەن كاسىبي جاۋاپكەرشىلىككە سايكەس، مەديسينالىق ۇيىمدار جەكە دەرەكتەردىڭ قۇپيالىلىعىن قامتاماسىز ەتۋگە مىندەتتى. اقپاراتتى جاريا ەتپەۋ تۋرالى شەشىم پاسيەنتتىڭ مۇددەسىن قورعاۋ، ونىڭ جەكە ومىرىنە قۇرمەت كورسەتۋ جانە ەمدەۋ پروسەسىنە سىرتقى ارالاسۋعا جول بەرمەۋ ماقساتىندا قابىلداندى"، – دەلىنگەن رەسمي مالىمدەمەدە.
