قاسىم-جومارت توقايەۆ "ق ر ۇكىمەتى مەن بىرىككەن اراب امىرلىكتەرىنىڭ ۇكىمەتى اراسىنداعى جەل ەلەكتر ستانسياسى جوباسىن ىسكە اسىرۋ تۋرالى كەلىسىمدى راتيفيكاسيالاۋ تۋرالى" زاڭعا قول قويدى.
كەلىسىمگە 2023 جىلدىڭ 2 جەلتوقسانىندا دۋبايدا قول قويىلعان.
اتاپ ايتقاندا، جامبىل وبلىسىندا قۋاتى 1 گۆت جەل ەلەكتر ستانسياسىن سالۋ جوسپارلانۋدا.
جەل ەلەكتر ستانساسىنىڭ جوباسى كۇشتى جەل كەزىندە وندىرىلگەن ارتىق ەنەرگيانى جيناقتاۋعا جانە ونى ەڭ جوعارى جۇكتەمە كەزىندە جەلىگە بەرۋگە مۇمكىندىك بەرەتىن قۋاتتىلىعى 300 مۆت جانە قۋاتى 600 مۆت/ساع ەنەرگيا ساقتاۋدىڭ ەڭ زاماناۋي جۇيەلەرىنىڭ ءبىرىن ەنگىزۋدى كوزدەيدى.
جوبانى كونسورسيۋم جۇزەگە اسىرۋدا: اكسيالاردىڭ 40%-ى ءباا-نىڭ Masdar جانە W Solar كومپانياسىنا، 18%-ى "Samruk-Energo Qazaq Green Power" كومپانياسىنا، 2%-ى قازاقستاننىڭ ينۆەستيسيالىق دامۋ قورىنىڭ ەنشىسىندە.
كەلىسىم ءىرى جوبالار ورىنداۋى ءتيىس شارتتاردى انىقتايدى، اتاپ ايتقاندا:
- قۋاتتىلىعى – 1 گۆت؛
- كومىرقىشقىل گازىنىڭ (سو₂) شىعارىندىلارىنىڭ جىل سايىنعى تومەندەۋى؛
- جاڭارتىلاتىن ەنەرگيا كوزدەرىنەن ەلەكتر ەنەرگياسىن ءوندىرۋ؛
- جوبالاردى ەلدىڭ ءبىرىڭعاي ەلەكتر ەنەرگەتيكالىق جۇيەسىنە ينتەگراسيالاۋدىڭ تۇراقتىلىعى مەن سەنىمدىلىگى؛
- ەلدىڭ ەنەرگەتيكالىق قاۋىپسىزدىگىن قامتاماسىز ەتۋ جانە ت.ب.
كەلىسىمدە قازاقستاندىق تاراپ ينۆەستورعا زاڭناما مەن ەلەكتر جەلىلەرى ەرەجەلەرىندەگى وزگەرىستەردى قوسا العاندا، كەز كەلگەن وسكەن شىعىندار ءۇشىن، سونداي-اق باسەكەلەس جوبالاردى سالۋ جانە جەر تەلىمىنىڭ قۇنىن ءوسىرۋ كەزىندە وتەماقى تولەۋگە مىندەتتى ەكەندىگى قاراستىرىلعان.
سونىمەن قاتار، قازاقستان تاراپىنان ەلەكتر ەنەرگياسىن ءوندىرۋ ءۇشىن پايدالانىلاتىن جەل اعىنىنا اسەر ەتۋى مۇمكىن جاقىن جەردە قانداي دا ءبىر جوبالاردى نەمەسە قۇرىلىستاردى سالۋعا رۇقسات بەرۋ تالاپ ەتىلمەيدى.
