قازاقستاندا مەديسينالىق ۇيىمدار مىندەتتى الەۋمەتتىك مەديسينالىق ساقتاندىرۋ (ءمامس) جۇيەسىندەگى قاراجاتتىڭ قايدا جۇمسالعانىن رەسمي تۇردە جاريالاپ وتىرۋعا مىندەتتەلەدى. بۇل تۇزەتۋ ءماجىلىستىڭ 21 مامىرداعى جالپى وتىرىسىندا ءمامس جۇيەسىن جەتىلدىرۋگە باعىتتالعان زاڭ جوباسىن ەكىنشى وقىلىمدا ماقۇلداۋ كەزىندە ەنگىزىلدى.
قۇجات «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مىندەتتى الەۋمەتتىك مەديسينالىق ساقتاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» دەپ اتالادى.
زاڭ جوباسىندا جارنالاردى تۇراقتى تولەگەن ازاماتتار جارنا تولەۋدى توقتاتقاننان كەيىن دە التى ايعا دەيىن مەديسينالىق كومەك الۋعا قۇقىلى دەگەن نورما قاراستىرىلعان.
سونداي-اق، ءمامس قورىمەن جانە دەنساۋلىق ساقتاۋ ۇيىمدارىنىڭ قارجىلىق قىزمەتىن اشىق ەتۋ ماقساتىندا قاراجاتتىڭ جۇمسالۋى تۋرالى اقپارات رەسمي سايتتاردا جاريالانىپ وتىرادى. سونىمەن بىرگە، شارتتىق مىندەتتەمەلەردى ورىنداماعان مەديسينا ۇيىمدارىنان قاراجاتتى قايتارۋ ءتارتىبى دە ەنگىزىلدى.
