ءماجىلىس دەپۋتاتى ەرمۇرات ءباپي قوعام بەلسەندىسى مارعۇلان بورانبايدىڭ تۇرمەدەن بوساتىلعانىن حابارلادى. بەلسەندى ءتورت جىلدىق جازا مەرزىمىن تولىق وتەپ، بوستاندىققا شىققان.

«ەل تاۋەلسىزدىگى مەن قازاق ۇلتىنىڭ نامىسىن قورعاعانى ءۇشىن تۇرمەگە قامالعان مارعۇلان اعاسىنا قوناققا كەلدى. كولونياعا بارىپ، "بوستاندىققا شىعۋعا كومەكتەسەيىك" دەگەنىمىزدە، ول: "كەشىرىم سۇرايتىن ەشتەڭە ىستەمەدىم، مەرزىمىن تولىق وتەيمىن"، — دەپ جاۋاپ بەردى»، — دەدى دەپۋتات.

ءباپيدىڭ ايتۋىنشا، بورانباي شوۆينيستىك كوزقاراس بىلدىرگەندەرگە قارسى شىققانى ءۇشىن قۋعىندالعان.

«بىرەۋ "قازاقتىڭ ناعىز پاتريوتى كىم؟" دەپ سۇراسا، ويلانباي مارعۇلان بورانبايدى كورسەتىڭىزدەر. وكىنبەيسىزدەر»، — دەدى ماجىلىسمەن.

ەسكە سالايىق، 2022 جىلى مارعۇلان بورانباي مەن دانات نامازبايەۆ «ارازدىق قوزدىرۋ» جانە «بيلىكتى باسىپ الۋعا ۇندەۋ» باپتارى بويىنشا كىنالى دەپ تانىلىپ، بەس جىلعا باس بوستاندىعىنان ايىرىلعان. ولار رەسەيلىك ساياساتكەرلەردىڭ قازاقستانعا باعىتتالعان اگرەسسيۆتى مالىمدەمەلەرىنە اشىق قارسى شىققان جانە رەسەيمەن ىقپالداستىقتى تەرەڭدەتۋگە قارسى كوزقاراستارىمەن تانىلعان.