قازاقستاندا الەۋمەتتىك جەلىلەرگە بالالاردىڭ قولجەتىمسىزدىگىن شەكتەۋ ماسەلەسى قارالۋدا. بۇگىن مادەنيەت جانە اقپارات ءمينيسترى ايدا بالايەۆا ۇكىمەت وتىرىسىندا ەلدە اقپارات قۇرالدارىن رەتتەيتىن زاڭنامانى جەتىلدىرۋ جۇمىستارى جۇرگىزىلىپ جاتقانىن حابارلادى. ونىڭ ايتۋىنشا، اتاپ ايتقاندا، بالالار مەن جاسوسپىرىمدەردىڭ الەۋمەتتىك جەلىلەرگە كىرۋىن شەكتەۋ ماسەلەسى قارالۋدا.

مينيسترلىكتىڭ حابارلاۋىنشا، مادەنيەت جانە اقپارات مينيسترلىگى ونلاين-پلاتفورمالار مەن اقپارات قۇرالدارىنىڭ قىزمەتىن رەتتەيتىن زاڭ جوبالارىن ازىرلەگەن. قۇجاتتار 16 جاسقا تولماعان ازاماتتاردى الەۋمەتتىك جەلىلەردە تىركەلۋدەن شەكتەيدى. زاڭ جوبالارى ساراپتامادان ءوتىپ، ءقازىر قوعامدىق تالقىلاۋعا شىعارىلعان. ءتيىمدى ىسكە اسىرۋ ءۇشىن ءبىلىم بەرۋ مينيسترلىگى جانە جاساندى ينتەللەكت پەن سيفرلىق دامۋ مينيسترلىگىمەن بىرلەسىپ، پايدالانۋشىلاردىڭ جاسىن انىقتاۋ مەحانيزمدەرى ازىرلەنىپ، قاجەت بولعان جاعدايدا جاۋاپكەرشىلىك شارالارى بەلگىلەنەدى.

قۇجاتتار بارلىق الەۋمەتتىك جەلىلەرگە قاتىستى بولادى: TikTok، Instagram، Facebook، Threads، X (بۇرىنعى Twitter) جانە VK (ۆكونتاكتە). الايدا WhatsApp، Telegram سياقتى جەدەل حابار الماسۋ سەرۆيستەرى مەن Roblox، Minecraft سەكىلدى ونلاين-ويىندار شەكتەۋگە كىرمەيدى.

مينيسترلىك الەۋمەتتىك جەلىلەردى بالالار ءۇشىن بۋللينگ پەن الاياقتىققا ۇشىراۋ ءقاۋپى بار الاڭ دەپ سيپاتتايدى. بۇعان دەيىن ماجيليس دەپۋتاتى اسحات ايماگامبەتوۆ بالالارعا ارنالعان الەۋمەتتىك جەلىلەرگە تىركەلۋ جاسىن شەكتەۋ ۇسىنىسىن جاساعان ەدى.

الەمدە العاش رەت بالالارعا ارنالعان الەۋمەتتىك جەلىلەرگە 16 جاسقا دەيىن كىرۋگە تىيىم زاڭىن اۆستراليا ەنگىزگەن. پايدالانۋشىنىڭ جاسىن انىقتاۋ ءۇشىن ارنايى تەحنولوگيالار قولدانىلاتىنى اتاپ وتىلگەن.