ءۇندىستاندا بيلىك نيپاح ۆيرۋسىنىڭ تارالۋىن شۇعىل تۇردە تەجەۋ شارالارىن كۇشەيتتى. رەسمي مالىمەتتەرگە سايكەس، راستالعان جاعدايلار سانى بەس ادامعا جەتكەن. اۋرۋ جۇقتىرعانداردىڭ اراسىندا دارىگەرلەر مەن مەيىربيكەلەردىڭ بولۋى مامانداردىڭ الاڭداۋشىلىعىن كۇشەيتىپ وتىر. بۇل تۋرالى The Independent باسىلىمى حابارلادى.

مەديسينا قىزمەتكەرلەرىنىڭ ىندەتكە شالدىعۋى اۋرۋدىڭ اۋرۋحاناىشىلىك تارالۋ ءقاۋپىن ارتتىرادى. ساراپشىلاردىڭ پىكىرىنشە، بۇل ۆيرۋس تىعىز بايلانىس كەزىندە وڭاي جۇعۋى مۇمكىن ەكەنىن كورسەتەدى. اسىرەسە مەديسينالىق مەكەمەلەردە باقىلاۋ شارالارىن قاتاڭداتۋ قاجەتتىگى تۋىنداپ وتىر.

نيپاح ۆيرۋسى (Nipah virus، NiV) – جوعارى ءقاۋىپتى زوونوزدىق ينفەكسيا. ول العاش رەت 1999 جىلى مالايزيادا تىركەلگەن. ۆيرۋس ادامعا جانۋارلاردان، سونداي-اق ادامدار اراسىندا تىكەلەي بايلانىس ارقىلى، ونىڭ ىشىندە مەديسينالىق كومەك كورسەتۋ بارىسىندا دا بەرىلۋى مۇمكىن.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، نيپاح ۆيرۋسى ارنايى ەمى مەن ۆاكسيناسى جوق اسا ءقاۋىپتى پاتوگەندەردىڭ قاتارىنا جاتادى جانە جاھاندىق دەنساۋلىق ساقتاۋ جۇيەسىنە ەلەۋلى ءقاۋىپ توندىرەدى.