سولتۇستىك قازاقستان وبلىسى، بۋلايەۆ قالاسىنداعى م. جۇمابايەۆ اۋدانىندا مۇقانوۆا كوشەسىندەگى ازىق-تۇلىك دۇكەنىندە ءورت شىقتى. بۇل تۋرالى توتەنشە جاعدايلار مينيسترلىگىنىڭ باسپا ءسوز قىزمەتى حابارلادى.
الدىن الا مالىمەتتەرگە سايكەس، ورتەنۋ پەشتى دۇرىس پايدالانباۋدان تۋىنداعان قاۋىپسىزدىك ەرەجەلەرىن بۇزۋ سالدارىنان ورىن العان. ءورت كورشى ساۋدا نۇكتەلەرى ءۇشىن ناقتى ءقاۋىپ توندىرگەن، ويتكەنى ولار ءبىر شاتىر استىندا ورنالاسقان.
توتەنشە جاعداي قىزمەتكەرلەرىنىڭ جەدەل ءارى ۇيلەسىمدى ارەكەتى ارقاسىندا ءورت تەز ءسوندىرىلىپ، جالىننىڭ تارالۋىنا جول بەرىلمەدى. كورشى بۋتيكتەر ساقتالدى.
مينيسترلىك تۇرعىنداردى، اسىرەسە پەشپەن جىلىتۋدى قولدانعاندا، ءورت قاۋىپسىزدىگى ەرەجەلەرىن قاتاڭ ساقتاۋ قاجەتتىگىن ەسكە سالدى.
