11 قاڭتار كۇنى كەشكە ماعجان جۇمابايەۆ اتىنداعى اۋدانعا قاراستى مايبالىق اۋىلىندا جەكە تۇرعىن ۇيدەن ءورت شىقتى. بۇل تۋرالى وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى حابارلادى.
ءورت سالدارىنان ءۇي تولىقتاي وتقا ورانىپ، كەيىن تۇگەلدەي قيراپ قالعان.
ءۇي يەسىنىڭ ايتۋىنشا، ءورت كەزىندە باسپانادا ونىڭ جۇبايى مەن ەكى كامەلەتكە تولماعان بالاسى بولعان.
قۇتقارۋشىلار ءورتتى ءسوندىرۋ جانە ۇيىندىلەردى تازالاۋ بارىسىندا ەر ادامنىڭ جانە ءبىر بالانىڭ ءمايىتىن تاپتى. ەكىنشى بالانى ىزدەۋ جۇمىستارى ءالى دە جالعاسىپ جاتىر.
وقيعا ورنىنا دەپارتامەنت باسشىلىعى كەلدى. تجد پسيحولوگتارى ءۇي يەسىنە پسيحولوگيالىق قولداۋ كورسەتۋدە.
قازىرگى ۋاقىتتا ءورت تولىق ءسوندىرىلدى. ونىڭ شىعۋ سەبەبى انىقتالۋدا. ءورتتى سوندىرۋگە تجد-نىڭ 24 قىزمەتكەرى مەن 6 تەحنيكاسى، سونداي-اق «اگروفيرما» ءجشس-نىڭ ەرىكتى ورتكە قارسى جاساعى جۇمىلدىرىلدى.
