23 تامىز كۇنى استانادا اقپارات جانە كوممۋنيكاسيالار ءمينيسترى ابايەۆتىڭ قاتىسۋىمەن «قازاقستان» رترك باسشىلىعى كورپوراسيانىڭ بارلىق مەدياككتيۆتەرىنىڭ جاڭا ماۋسىمىن جۇرتقا تانىستىردى دەپ جازادى Qamshy.kz ءتىلشىسى. جاڭا ماۋسىمنىڭ تانىستىرىلۋىنا قازاقستانداعى ب ا ق وكىلدەرىنىڭ باسشىلارى، وكىلدەرى، ساياساتتانۋشى جانە بلوگەرلەر قاتىستى.

تۇساۋكەسەردى تانىستىرعان كورپوراسيا باسشىسى قارين اكم ءمينيسترى داۋرەن ابايەۆقا ەرەكشە العىس ايتتى. «ءبىرىنشى كۇننەن باستاپ تەلەكورپوراسيانىڭ تىڭ جۇمىسىنا قولداۋ كورسەتىپ، باستاما بويىنشا تالقىعا سالىپ، اقىل-كەڭەسىن بەردى. كەلىپ وتىرعان مەيماندارعا دا العىسىم زور. جاڭا ماۋسىم اياسىندا ءبىرقاتار جۇمىستار جۇرگىزىلىپ جاتىر. سونىڭ ەڭ باستى باعىتتارىنىڭ ءبىرى - رەبرەندينگ جۇمىسى باستالدى. ول بويىنشا كوپ ويلاندىق، كوپ تالقىلادىق. ءبىراق، الەمدىك تەليەۆيزياداعى جاڭا ترەندتەردى، ەلىمىزدىڭ ءوز دامۋىندا جاڭا كەزەڭگە اياق باسقانىن ەسكەرە وتىرىپ، ەلباسىمىزدىڭ باستامالارىن قولعا الىپ، كورپوراسيانىڭ جۇمىسىن جاڭارتۋدى باستادىق»، - دەيدى ەرلان تىنىمباي ۇلى.

قازاقستان – Qazaqstan. رەبرەندينگ

28 تامىزدا «قازاقستان» تەلەراديوكورپوراسياسىنىڭ مەديا رەسۋرستارىندا  جاڭا ماۋسىم باستالادى. جاڭا ماۋسىم اياسىندا تەلەراديوكورپوراسيا قۇرامىنا ەنەتىن ارنالار مەن راديولاردا اۋقىمدى وزگەرىستەر ورىن الادى: رەبرەندينگ جۇرگىزىلىپ، ستۋديالار جاڭارتىلىپ، جاڭا باعدارلامالار ەفيرگە قوسىلادى. 

رەبرەندينگ بارىسىندا - «قازاقستان» كورپوراسياسىنىڭ مەديااكتيۆتەرىنە ورتاق، تانىمال لوگوتيپ بەكىتىلىپ،  رەنەيمينگ، رەديزاين جۇمىستارى جۇرگىزىلدى. جاڭا لوگوتيپ – كورپوراسيا قۇرامىنداعى ارنالار مەن راديوستانسيالاردىڭ ءبىرتۇتاستىعىن بىلدىرەتىن ارنايى بەلگى رەتىندە – قازاقستان رەسپۋبليكاسىنىڭ مەملەكەتتىك تۋى ىسپەتتى جاسالدى.  جالپى جاڭا لوگوتيپ – كورپوراسيانىڭ تەحنولوگيالىق دامۋعا ۇمتىلىسىن، ۇلكەن مەديا وتباسى رەسۋرستارىنىڭ ساباقتاستىعىن بىلدىرەدى. 

لوگوتيپ جوباسىن تانىمال قازاقستاندىق رەجيسسەر جانە ديزاينەر – ساكەن  جولداس دايىندادى. 

«ALTAY» مەن «QYZYLJAR-دان» «AQJAYIQ-قا» دەيىن

جاڭا ماۋسىمدا كورپوراسيا قۇرامىنا ەنەتىن 14 ايماقتىق ارنالاردىڭ اتاۋلارى دا وزگەرتىلەدى. بۇرىنعى «قازاقستان – اقتاۋ»، «قازاقستان – شىمكەنت»، «قازاقستان – قاراعاندى» جانە ت.ب. دەگەن سياقتى اتاۋلاردىڭ ورنىنا، ەندى جەكەلەگەن، سول ايماققا ۇيرەنشىكتى اتاۋلار ەنگىزىلەتىن بولادى. مىسالى Mangystau، Ontustik، Saryarqa جانە ت.ب. بۇل وزگەرتۋلەر ايماقتىق ارنالارعا ىشكى تەلەنارىقتا دەربەس جۇمىس جۇرگىزۋگە جانە اۋديتوريانىڭ كەڭەيۋىنە باعىتتالعان. 

ودان بولەك تەلەارنالاردىڭ گرافيكالىق بەزەندىرىلۋى، مۋزىكالىق-توپتامالارى جانە «قازاقستان» ۇلتتىق ارناسىنىڭ رەسمي داۋىسى دا وزگەردى. 

جالپى رەبرەندينگتىڭ باستى ماقساتى -  كورپوراسيانىڭ بارلىق مەديا اكتيۆتەرىنە ءتان، ۇلتتىق ءداستۇردى ايگىلەيتىن، كورپوراسيانىڭ جاڭا الەمدىك ستاندارتتارعا تالپىنىسىن كورسەتەتىن - ءبىرتۇتاس تانىمال بەلگى قۇرۋ. 

جاڭا ماۋسىمدا قازاقستان ۇلتتىق ارناسىندا ءتۇرلى باعىتتاعى ونداعان جوبا كورەرمەنگە جول تارتادى. اتاپ ايتساق، «جىبەك جولى جۇلدىزى»، «مەن قازاقپىن» حالىقارالىق مۋزىكالىق مەگاجوبالارى، ۇلتتىق ەسترادانى ناسيحاتتايتىن - «Hit Qazaqstan» مۋزىكالىق ان-شەرۋى جاڭا ماۋسىمدا ەفيرگە ەنەدى. وعان قوسا قوعامدىق، ينتەللەكتۋالدىق باعىتتاعى باعدارلامالاردىڭ سانى ارتادى. بۇگىنگى زاماننىڭ سۇرانىسىنا ساي كەلەتىن رەاليتي - شوۋ جانرىنداعى باعدارلامالار  كورسەتىلەدى. كاسىپكەرلىكتى ناسيحاتتايتىن - «ۇمىتكەر»، تابيعاتتىڭ تىلسىم كۇشى مەن قۇدىرەتىن كورسەتەتىن  - «24 ساعات تابيعات قۇشاعىندا» ەكشن رەاليتي-شوۋى، وتباسىلىق قۇندىلىقتاردى دارىپتەيتىن - «ەنە مەن كەلىن». 

سونىمەن قاتار، ەفيردەن ءبىرقاتار دەرەكتى فيلمدەر توپتاماسى دا ورىن الادى: قازاقستاننىڭ كوپشىلىككە بەيمالىم تاريحى تۋرالى اڭگىمەلەيتىن - «كيەلى قازاقستان»، سونداي-اق، ەلىمىزدىڭ ايگىلى ادامدارى جايلى سىر شەرتەتىن - «ۇلى دالا ۇلاعاتى».  رەبرەندينگ اياسىندا بۇرىنعى باعدارلامالاردىڭ دا فورماتى وزگەرەدى.

28 تامىزدان باستاپ، «قازاقستان» ۇلتتىق ارناسى - «Alma TV»، «ID TV»  سياقتى ەلدەگى ءىرى كابەلدىك وپەراتورلار ارقىلى  HD فورماتتا حابار تاراتاتىن بولادى.