قازاقستان فۋتبول فەدەراسياسى مەن قازاقستان رەسپۋبليكاسى  ءبىلىم جانە عىلىم مينيسترلىگى بالالار مەن جاسوسپىرىمدەر فۋتبولىن دامىتۋ ءۇشىن «ورتا ءبىلىم بەرۋ مەكەمەلەرىندەگى 1-4 سىنىپ وقۋشىلارىنا ارنالعان فۋتبول بويىنشا ادىستەمەلىك وقۋ قۇرالىن» قۇراستىرىپ، بەكىتتى دەپ حابارلايدى  Qamshy.kz  اقپارات اگەنتىگى Sports.kz-كە سىلتەمە جاساي وتىرىپ.

ادىستەمەلىك وقۋ قۇرالى باستاۋىش سىنىپتاعى دەنە شىنىقتىرۋ مۇعالىمدەرى ءۇشىن كوپتەگەن يلليۋستراسيالار مەن تۇسىنىكتى ماتىندەر نەگىزىندە جاسالعان. بالالاردى شاپشاڭدىققا، يكەمدىلىككە، ەپتىلىككە ۇيرەتەتىن تەحنيكالىق كەشەندەر مەن جاتتىعۋلار كەشەنى، فيزيكالىق جانە تەحنيكالىق دايىندىقتارىن باعالاۋعا ارنالعان تەستىلەر بار.

2017 جىلدىڭ قىركۇيەك ايىندا سىناقتان وتكىزۋ ماقساتىندا قازاقستاننىڭ بەس وڭىرىندەگى 147 مەكتەپ جۇمىلدىرىلادى. سونىڭ ىشىندە الماتى، جامبىل، وڭتۇستىك قازاقستان وبلىستارى مەن استانا جانە الماتى قالالارى. سونداي-اق، اقتوبە مەن قاراعاندى وبلىستىق فۋتبول فەدەراسياسى جوبانى جۇزەگە اسىرۋعا قىزىعۋشىلىق تانىتىپ وتىر.